A alma da máquina

Tras toda unha serie de pílulas de vídeo para ir abrindo boca, por fin temos o primeiro tráiler do filme de Ghost In The Shell, que finalmente subtitulan como...

Tras toda unha serie de pílulas de vídeo para ir abrindo boca, por fin temos o primeiro tráiler do filme de Ghost In The Shell, que finalmente subtitulan como El Alma de la Máquina en España en vez de Patrulla Especial Ghost como se chamara aquí o manga inicialmente:

Estamos ante unha produción chea de polémica, xa que elixir a Scarlett Johansson para interpretar á maio Motoko Kusanagi pode chegar a considerase insultante, por non ser unha actriz asiática, pois a historia está claramente ambientada no Xapón, de aí que o único sentido da elección da actriz é, en vez de contentar aos seareiros do manga e o anime, atraer á meirande parte do público posible ao contar cunha protagonista que resulta familiar ao público.

O efecto reclamo de Johansson é innegable, polo que coido que o beneficio da dúbida o teñen merecido, pero cando chega este adianto teño claro que a inspiración é o filme de animación de Mamoru Oshii, do que chegan a calcar secuencias, en vez da obra orixinal ou das series de televisión posteriores, resultándome bastante incómodo o detalle de que parecen dar a entender que Motoko é unha especie de Robocop, afastándose bastante do universo creado por Masamune Shirow, onde a cibernética era algo moi corrente e, aínda que o feito de que a maior fose totalmente prostética fose pouco habitual, iso simplemente empregábase como un argumento máis para abordar un tema recorrente na literatura cyberpunk: pode a alma humana transcender o corpo? De feito, nas series de televisión incluso teñen dúbidas sobre se as máquinas poden chegar a desenvolver alma de seu.

Descoñezo se o personaxe que sae ao final é o Marionetista do filme de Oshii, ou se a historia principal se afastará desa trama e inspirarase nas moitas que pululan ao redor da Sección 9, pero o que parece claro é que van darlle un protagonismo excesivo a Motoko Kusakagi, de xeito que é posible que teñamos menos acción e máis introspección da que sería desexable nunha obra deste tipo. En poucos meses sairemos de dúbidas.

Cartel promocional do filme

Cartel promocional do filme no que apuntan a que chegará aos cines en marzo de 2017

Comentarios

Chíos e rechouchíos

ENTRADAS RELACIONADAS

  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Os Vingadores non iniciaron o lume

    A capacidade de mobilización que teñen os grandes programas de televisión nos EE.UU. non deixa de sorprender, principalmente porque manteñen o seu pulo no tempo, cando en España hai...