5 cousas sobre Batman (con Adam West!)

A serie de YouTube 5 Facts, que curiosidades de películas, series de televisión, videoxogos, fenómenos de Internet e toda canta tolería se lle pasa pola cabeza aos seus responsables...

batman_1966_subindo

A serie de YouTube 5 Facts, que curiosidades de películas, series de televisión, videoxogos, fenómenos de Internet e toda canta tolería se lle pasa pola cabeza aos seus responsables conseguiu hoxe superarse comentando 5 curiosidades sobre Batman, para o que contaron coa presenza do actor Adam West. Si, o auténtico Batman!

Se ben as curiosidades son de sobra coñecidas polos seareiros do gardián de Gotham (especialmente o detalle de que Bob Kane era un vampiro que chuchou o sangue a Bill Finger) a miña anécdota favorita é de sempre o detalle de que Cesar Romero non afeitase ao bigote cando facía do Joker na serie de Batman da Galega.

Extras da edición en Blu-ray da serie de Batman

Loxicamente West non se pasou por este programa por casualidade, senón que está coa promoción da edición en DVD e Blu-ray da serie de televisión de 1966, que sae por primeira vez á venda en formato físico, e aínda que o DVD poida ter a súa lóxica (xa que o contido orixinal da serie está en 4:3), é a edición en Blu-ray a que incluirá unha auténtica barbaridade de extras que levarán a moitos a facerse con esta xoia que para min ten unha importantísima eiva: carece de pista de audio en galego.

Comentarios

Chíos e rechouchíos

ENTRADAS RELACIONADAS