Adeus a Allo

En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...

En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña publicitaria #PresumamosComoGalegos protagonizada por un can de palleiro chamado Allo (na ficción, xa que o seu nome real é Fusco) que non só saía nos anuncios de televisión, senón que chegou a ter páxina web baixo o dominio .gal e contas nas principais redes sociais.

Convídovos a botar un ollo á conta de Instagram de Allo para lembrar o moito que deu de sei este can, que todos lembramos con moito agarimo, xusto ao contrario do que aconteceu coa aplicación de Google, que non a usou nin diola e, de feito, esta semana recoñeceron a cagada e anunciaron que van pechala en marzo de 2019.

Ante tal nova fun mirar se a páxina web de Allo.gal seguía activa, e xa non era así, polo que podemos dicir que os galegos estamos na vangarda, e adiantámonos a Google á hora de botar o peche a Allo.

Dende aquí desexarlle o mellor a Fusco, unha das maiores estrelas do audiovisual galego, e lembrar esa campaña do Gadis, que puxo en valor a raza do can de palleiro:

Comentarios

Chíos e rechouchíos

ENTRADAS RELACIONADAS

  • O podcasting posto en valor

    Hai algo máis dun ano os oíntes do podcast La Órbita de Endor (LODE) coñecemos un experimento de iVoox a través do que ofrecíanse subscricións de pagamento, e finalmente...
  • Muuu (son unha vaca)

    Amala Zandile Dlamini, ou Doja Cat, é unha cantante californiana de 22 anos que conseguiu certo éxito en 2014, como demostra que o seu vídeo So High superase os...
  • Fisterra sucumbe ao carbono modificado

    A pasada fin de semana rematei de ver a serie Altered Carbon en Netflix, historia baseada no libro Carbono Modificado no que preséntase un futuro no que é posible...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...