Oregón TV tivo un ano moi tecnolóxico

Hai anos que non menciono as cancións paródicas de Oregón TV (as súas parodias de Los Panchos e Micky son moito!), pero están a ter un 2019 tan completo...

Hai anos que non menciono as cancións paródicas de Oregón TV (as súas parodias de Los Panchos e Micky son moito!), pero están a ter un 2019 tan completo no que á temática tecnolóxica, que non podía evitar mencionalos.

De feiot, incluso recuperaron un vello vídeo no que ousaron versionar a Queen:

Facer burla dos youtubeiros tamén ten o seu aquel.

Tampouco puideron evitar versionar a Rosalía, cun tema que estes días está moi de actualidade, pois a Dirección Xeral de Tráfico por fin preparou un regulamento básico sobre os patinetes.

As facilidades que pon a tecnoloxía para que non levantemos o cu tamén inspirou un temazo.

E a crítica a Airbnb e aos alugueres de vivendas a través da Internet de seguro que fixo que moitos se identificasen.

Ao falar do rural non puido faltar a mención á mala cobertura de móbiles e da banda larga.

Os odiados grupos de WhatsApp de pais mesturados con Patti Smith fixeron unha combinación moi xeitosa.

Que Pablo Milanés dedicase unha canción a Alexa foi do mellor do ano.

E, finalmente, criticar os poucos impostos que pagan as tecnolóxicas en Europa serviu para pór letra a unha divertida versión.

Que máis poderán achegar en 2020? Quizais meterse máis con Facebook, Twitter e Instagram? Coas pulseiras de actividade? Cos drons? Temas tecnolóxicos non lles falta, e seguro que eu gozarei moito ao escoitar como os aproveitan para unha das seccións máis divertidas da televisión estatal.

Comentarios

Chíos e rechouchíos

ENTRADAS RELACIONADAS

  • Black Eyed Peas en plan Teletubbies

    En 2005 o álbum Monkey Business dos Black Eyed Peas foi un exitazo, e aínda que o tema que deixou maior pegada foi Pump It, especialmente polo seu impresionante...
  • Videoxogos de papel

    A nostalxia ten moita forza, e de cando en vez serve de inspiración para fermosas marabillas, como o vídeo de Eric Powers no que fixo un repaso da historia...
  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...