Assassin’s Creed estrea tráiler: benvido á Santa Inquisición

Até decembro non poderemos ver nos cines o filme baseado na saga de videoxogos Assassin’s Creed, protagonizado por Michael Fassbender e Marion Cotillard, pero xa temos o seu primeiro...

Até decembro non poderemos ver nos cines o filme baseado na saga de videoxogos Assassin’s Creed, protagonizado por Michael Fassbender e Marion Cotillard, pero xa temos o seu primeiro tráiler oficial que dá bastantes pistas de por onde van os tiros:

Por unha banda temos que o protagonista non será Desmond Miles lembrando as vidas de Altaïr Ibn-La’Ahad, Ezio Auditore da Firenze, Edward Kenway e Ratonhnhaké:ton en Constantinopla, Florencia e os EE.UU., senón que teremos a Callum Lynch rememorando as aventuras do seu devanceiro Aguilar na España do século XV, ou sexa, que terá que enfrontarse á Santa Inquisición, na liña do que pasaba en Assassin’s Creed II: Discovery (xogo que só saíu para Nintendo DS e iOS, e que actualmente non está dispoñible na App Store).

Podemos considerar que o feito de que non vaia contarse a mesma historia que nos xogos é unha fortuna, pois así os filmes (pois se este trunfa non hai dúbida en que haberá secuelas) terán certa liberdade. Confiemos en que terán boa sorte e non quedarán só nunha boa achega estética na liña do que aconteceu con Prince of Persia (que a película tiña un acabado impresionante, pero non convenceu ao público, de xeito que non conseguiu converterse en saga).

Comentarios

Chíos e rechouchíos

ENTRADAS RELACIONADAS

  • Logan: «hostia puta»

    Por se alguén estaba confundido e pensaba que Logan ía ser unha especie de terceiro filme de Lobezno, temos por fin un novo tráiler que deixa claro que a...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...
  • Tecnoloxía para o ano 2017

    Esta semana chamáronme do programa Área Pública da Galega para ver se podiamos facer un pequeno adianto do que será a tecnoloxía durante o ano que entra: Aínda que...
  • Noite de paz

    Con tanta guerra nunha galaxia moi moi lonxana, cómpre chamar a Chewie para que vos desexe unha noite de paz cantando como el ben sabe: Relacionado Comentarios...