Sony está a preparar varios anuncios televisivos para que durante o Nadal nos vexamos forzados a mercar a PS3, e a verdade é que o fan moi ben:
O anuncio é abraiante (e a canción Ladies & Gentlemen de Saliva acáelle ben), aínda que coido que deberían deixar un pouco de lado o Blu-ray nas promocións (a xente non sabe de qué vai iso da alta definición, e se sabe que tamén hai o HD DVD faise a polla un lío). Ver xogos como Heavenly Sword, o novo Ratchet & Clank, Warhawk, Uncharted ou o último Grand Turismo pode animar ós compradores que verán que xa hai bos títulos para a nova consola.
Apostaría algo a que ó final só van a emitir por televisión a versión curta, na que pasan de Spider-Man 3 e o Blu-ray, atendendo un pouco ó feito de que a xente aínda non ten televisores FullHD na casa:
Parece ser que seguindo as pautas deste último anuncio van preparar outros con xogos coma Assassin’s Creed, WWE Smackdown vs Raw 2008 ou Time Crisis 4, ou sexa, que por fin teñen xogos que sirvan de reclamo para mercar a PS3, aínda que coido que polo momento non hai un título que poidamos definir coma killer como lle acontece á Xbox 360 co Halo 3 ou á Nintendo DS con Nintendogs e Brain Training.
Debe estar conectado para enviar un comentario.