O vindeiro sábado: un libro e un dominio .gal

Onte presentouse no Museo do Pobo Galego a campaña Cultiva a Lectura, coa que as librarías galegas repartirán milleiros de marcadores coa compra dun libro a partires deste sábado...

Nani e Edita anuncian a campaña Cultiva a Cultura

Onte presentouse no Museo do Pobo Galego a campaña Cultiva a Lectura, coa que as librarías galegas repartirán milleiros de marcadores coa compra dun libro a partires deste sábado (Día do Libro), que inclúen un código que pode empregarse ao rexistrar dominios de Internet co sufixo .gal en compañías como Dinahosting por só 15 euros (cando o prezo normal supera os 50 euros) de xeito que até podería considerarse que o libro que merquemos sairíanos de balde.

Esta iniciativa que fusiona a lectura e a Rede debería contribuír a mellorar a visibilidade dos dominios .gal, e facilitará o incremento de rexistros, que nos últimos días superou a barreira dos 3.000. A celebración do Día das Letras Galegas tamén debería axudar a incrementar o volume de rexistros para que pouco a pouco vaiamos asentando a posición da nosa lingua e cultura na Internet.

Comentarios

Chíos e rechouchíos

ENTRADAS RELACIONADAS

  • Enredando nas noites de Luar

    Durante o verán na revista Código Cero publicamos unha entrevista a Pilar Rodríguez Losada, responsable das redes sociais do Luar, e por se a alguén se lle pasou, pégoa...
  • A tradución automática invade a tenda de Kindle en galego

    Na miña intervención na pasada edición do LGx15 facía algúns comentarios sobre os tradutores automáticos, dando a entender que facían auténticas desfeitas simplemente porque algúns entenden que son ferramentas...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • PSY segue moi vivo

    Hai moito tempo que o rapeiro PSY non ten un superéxito en YouTube, pero iso non quere dicir que desparecerse ou que estivese quieto, senón que é moi complicado...