Os comics de Star Wars sobreviven en formato dixital

Hai un par de semanas comentei que Dark Horse ía perder os dereitos de edición da franquía de Star Wars, que agora pertencía á Disney, polo que o normal...

53d474eadaf1c

Hai un par de semanas comentei que Dark Horse ía perder os dereitos de edición da franquía de Star Wars, que agora pertencía á Disney, polo que o normal sería que os dereitos pasasen ás mans da Marvel (compañía que xa publicara os comics da franquía creada por George Lucas no pasado), e aínda que os que mercasen os volumes de Dark Horse (en papel ou dixital) poderán seguir a gozar dos mesmos, vimos de quedar algo tranquilos ao ver como a Marvel decidiu estrear tal catálogo de banda deseñada a través de ComiXology (a súa plataforma dixital oficial en fala inglesa), o que permítenos mercar os exemplares en dixital (agora a prezo completo e non cos descontos de despedida de Dark Horse).

Admito que temía que a Marvel pasase olimpicamente de manter todos eses comics no seu catálogo, xa que a Disney decidiu que o universo expandido de Star Wars xa non é canon, ou sexa, que a meirande parte das aventuras narradas na banda deseñada nunca tiveron lugar oficialmente, o que decepcionará a moitos lectores.

Nova colección para vender a mazo

Como agora toca abrir unha nova etapa, dende Marvel cren que van conseguir pór de moda os comics de Star Wars, e o vindeiro día 14 van estrear o primeiro número dunha colección da franquía, cos personaxes da triloxía orixinal, e que prevén que poida converterse no cómic máis vendido dos últimos vinte anos chegando até o millón de copias.

star-wars-03star-wars-02star-wars-04star-wars-05

Dende Entertainmet Weekly adiantan algunhas das súas páxinas, e as pintas non son nada malas, aínda que as estimación de vendas resulten un tanto esaxeradas (supoño que meterannos o cómic até nos informativos de televisión para que o merquemos a cegas). Iso si, os incondicionais da saga seguro que pasan pola tenda, así como os moitos novos seareiros que están impacientes por ver o que depararán os novos filmes da franquía.

Comentarios

Chíos e rechouchíos

ENTRADAS RELACIONADAS

  • Os YouTurris

    Niko, o creador de Cálico Electrónico, anunciou hoxe a súa última movida, Los YouTurris, un esmendrelle político que por desgraza chega algo tarde, xa que estamos nos últimos días...
  • Un trailer chinés para incrementar o hype

    Por se non houbese expectación dabondo ao redor de El Poder de la Fuerza, chega un tráiler chinés con nova metraxe para por o hype polas nubes (ao carón da...
  • Melide celebra Manxares a vindeira fin de semana

    Esta semana escoitei na Radio Galega unha cuña na que citaban a Melide. Maaaandeeee?!?! Manxares?! Que é iso? Póñome a investigar… miro na web do Concello, e non din...
  • Darth Vader en Palomares!

    Levo tempo dicindo que confío en que este ano, cando chegue o 20D, algún friki dos que vaia disfrazado a ver El Despertar de la Fuerza ao cine pase antes polo...