Camuflar os videoxogos de libros ten o seu encanto

Coido que quen máis ou quen menos tivo algunha vez nas mans un dos exemplares que formaban parte da colección de libros Biblioteca Básica Salvat, que recollía moitos clásicos...

Biblioteca Básica Salvat
Coido que quen máis ou quen menos tivo algunha vez nas mans un dos exemplares que formaban parte da colección de libros Biblioteca Básica Salvat, que recollía moitos clásicos literarios a literatura tanto española como global, e que podemos atopar perdidos nos estantes dos nosos fogares e en numerosas tendas de segunda man (supoño que a tiraxe foi millonaria como para que queden tantos volumes espallados polo mundo) e algo semellante debeu de pasar no mercado anglosaxón coas coleccións clásicas de Penguin Books, que son toda unha icona ou, como mínimo, a xente identifícaos con facilidade, de aí que me parecese unha xenialidade unha idea do neoiorquino James Bit, que está a vender a través de Etsy unhas cubertas personalizables para poder disfrazar os nosos videoxogos favoritos de libros de Penguin, aínda que substituíndo o pingüín polo mando dunha consola Atari 2.600.

Estamos ante un detalle que tanto permite gardar os xogos dun xeito discreto á vez que é unha grande frikada. A idea tamén podería trasladarse a películas en DVD e Blu-ray, podendo conservarse así coleccións moi curiosas, aínda que se eu me animase a facer algo así, de seguro que clonaría a estética de Salvat, que aínda que é máis fea, sentiríaa como máis auténtica (e o reto de ter que numerar os xogos ou as películas do 1 ao 100 tamén tería o seu aquel).

Comentarios

Chíos e rechouchíos

ENTRADAS RELACIONADAS

  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • En Suíza tamén hai cosplay

    Que actualmente hai convencións fikis por todo o mundo non é ningunha sorpresa, pero sorpréndeme non ter escoitado nunca falar da que montan en Basilea, pois «a Comic Con...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...
  • Tecnoloxía para o ano 2017

    Esta semana chamáronme do programa Área Pública da Galega para ver se podiamos facer un pequeno adianto do que será a tecnoloxía durante o ano que entra: Aínda que...