A Feira dos Autónomos ten a súa face friki

Este ano a Feira de Autónomos de Galicia, que se celebra no recinto de EXPOCoruña, non só xuntou a unha chea de profesionais galegos, senón que tamén innovou cunha...

EXPOCoruña

Este ano a Feira de Autónomos de Galicia, que se celebra no recinto de EXPOCoruña, non só xuntou a unha chea de profesionais galegos, senón que tamén innovou cunha área de lecer alternativo, na liña de moitos outros eventos coruñeses, o que fornece a sona da Coruña como cidade friki.

Para min unha boa mostra de todo iso é xa atopar a unha empresa local na entrada, a tenda en liña Quiero Regalarte, na que venden unha chea de agasallos curiosos, que van dende un coxín con forma de xamón até unha lámpada de Tetris. A máis de un seguro que sorprenderá que ese tipo de obxectos que normalmente se atopan na Rede están a comercializarse dende tan preto.

Tampouco faltan tendas como Alita Comics, nas que venden máis dun detalle orixinal, así como volumes de banda deseñada entre os que non faltan novidades e algún imprescindible.

Incluso os estudios independentes de videoxogos galegos Axóuxere Games, DemonKoffe, Gazpacho Games e Akkad Estudios quixeron estar presente para dar a coñecer as súas creacións entre os visitantes. Cada día fan máis cousas estes mozos, e calquera día sorpréndennos cun ghitazo.

Pero o máis emocionante é o apartado das consolas de videoxogos, nas que podíase xogar libremente e participar en torneos tanto de títulos modernos como de auténticos clásicos, de xeito que o público de moitas idades pode pasar alí uns momentos divertidos durante os 5 días que duran a feira.

Quen sexa máis pachorrento tamén pode repousar no expositor da Asociación Draco, para botar unha partida a algúns dos xogos de meses que alí teñen. Ou achegarse ao stand de Mangalego, ou ao de Brumas Estigias… vaia, que por sitios onde pasar un rato divertido para desconectar de toda canta tenda había ao redor, que non quede. Incluso hai relatorios e concertos, de xeito que a barreira entre feira e festa diluíase por momentos.

Agradécese que este tipo de encontros saiban ver máis aló do comercial, e complementen a súa oferta co lecer, especialmente para os máis novos.

Comentarios

Chíos e rechouchíos

ENTRADAS RELACIONADAS

  • Como ser Armario Empotrado chega aos escenarios

    O vindeiro venres estréase na Illa de Aurousa o novo espectáculo de Marcos Pereiro, Como ser Armario Empotrado, un monólogo que durante un par de meses percorrerá Galicia en...
  • Los Nativos Digitales No Existen en Compostela

    O pasado venres foi a presentación en Santiago de Compostela do libro Los Nativos Digitales No Existen, e aproveitando o evento na cidade, Javier Pedreira Wicho e Fátima García...
  • LGx15 en YouTube

    O pasado 24 de novembro celebrouse a segunda edición do LGx15 organizado pola Coordinadora de Traballadores de Normalización da Lingua (CTNL), e nas últimas semanas foron subindo á súa...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...