Xa podemos descargar en español o Windows 7 RC

Parece que os de Microsoft tolearon, e , en descarga de balde, o seu sistema operativo Windows 7 RC, ou sexa, a versión candidata (case definitiva) do futuro Windows...

Descargando o Winodws 7 RC de 64 bits
Parece que os de Microsoft tolearon, e , en descarga de balde, o seu sistema operativo Windows 7 RC, ou sexa, a versión candidata (case definitiva) do futuro Windows 7, que finalmente está en español (polo galego haberá que agardar) e contará cunha licenza de uso ata o 1 de xuño de 2010, polo que será ideal para todos os usuarios que non estean contentos co seu Windows Vista e decidiran volver a Windows XP.

¿Paga a pena utilizar o Windows 7 RC coma sistema operativo principal?

Eu non recomendo instalar o Windows 7 RC como actualización de Windows Vista, senón sempre como un sistema operativo aparte (noutra partición de disco) porque esta versión candidata non será actualizable á versión final de Windows 7, de xeito que, cando un usuario decida pasar por caixa e mercar o produto definitivo, terá que facer unha instalación limpa (reinstalando todos os programas).
Dito doutro xeito: que pase a utilizar de xeito habitual este sistema operativo ten que ser consciente que ten data de caducidade.

Windows 7 presenta unha nova barra de programas e os gadgets da barra lateral poderán colocarse en calquera parte do escritorio

Os que estean a utilizar o Windows Vista totalmente actualizado verán coma os cambios de Windows 7 son principalmente cosméticos: a barra de programas pasa a parecerse lixeiramente á de Mac OS X, e os gadgets da barra lateral de Vista agora poden colocarse en calquera parte do escritorio.
O bo do Windows 7 RC é que permitirá ao usuarios probar cómo vai no seu ordenador, así como verificar que os seus programas habituais van á prefección (o que non acontece no 100% dos casos xa que hai algúns programas que detectan o sistema operativo, sen recoñecer versións futuras). É así unha oportunidade ideal para fozar sen gastar un can.

¿32 ou 64 bits?

Microsoft deixa descargar tanto a versión de 32 como a de 64 bits, e agora xa é algo a ter en conta, porque os equipos que son capaces de tirar con Vista, en moitos casos non terían problemas para turrar dun sistema operativo de 64 bits. ¿En qué se nota o cambio? Sen meterse en moito detalle, só comentar que os Windows de 32 bits non poden xestionar máis de 3,3 Gb de memoria RAM, polo que se temos 4 ou máis Gb de RAM sería recomendable utilizar a versión de 64 bits (en caso contrario o S.O. non funcionaría).
Poderiamos estar ante o sistema operativo que abra definitivamente a porta aos 64 bits, que aínda que polo momento só sería un produto recomendado para profesionais (xa que algúns programas precisan de configuración avanzada por presentar problemas de compatibilidade, de xeito que hai que forzar a súa execución a 32 bits).

¿Qué facer?

Por norma xeral, ide coma tolos (antes do 30 de xuño) a descargar o Windows 7 RC (na súa versión de 32 bits), anotade o número de serie e tostade o disco, para poder ter unha copia deste sistema operativo, pois así poderedes probalo nos vosos equipos durante os vindeiros meses, para saber se o Windows 7 funcionará nos mesmos. O proceso pode facerse con calma, a que o produto final non debería saír ata finais de outubro, polo que hai tempo para pensar se compensa a súa adquisición.
A min o Windows 7 gústame tanto (incluso un chisco máis) que Windows Vista, e penso que paga a pena darlle unha nova oportunidade a Microsoft probando o que está chamado a ser o sistema operativo dominante durante os vindeiros anos, chegando mesmo a gañar unha boa parte do mercado antes de saír á venda. 😮

Comentarios

Chíos e rechouchíos

ENTRADAS RELACIONADAS

  • Enredando nas noites de Luar

    Durante o verán na revista Código Cero publicamos unha entrevista a Pilar Rodríguez Losada, responsable das redes sociais do Luar, e por se a alguén se lle pasou, pégoa...
  • A tradución automática invade a tenda de Kindle en galego

    Na miña intervención na pasada edición do LGx15 facía algúns comentarios sobre os tradutores automáticos, dando a entender que facían auténticas desfeitas simplemente porque algúns entenden que son ferramentas...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • PSY segue moi vivo

    Hai moito tempo que o rapeiro PSY non ten un superéxito en YouTube, pero iso non quere dicir que desparecerse ou que estivese quieto, senón que é moi complicado...