¿Lembrades o seguinte anuncio de Airtel?
Pois este ano R podería cambiar a Edu por Tucho, xa que a partir do 20 de decembro os usuarios que conten co servizo de televisión dixital interactiva terán tarifa plana de chamadas a móbiles (o resto de clientes só terán de balde as chamadas a móbiles de R).
Iso si, dende R xa se apuraron (¿non deberían ser máis prudentes?) a incorporar a nova oferta á súa comparativa de tarifas:
Da táboa omitín a parte correspondente á televisión (que estaría presente no Combo 2 e no R) para que se vexan os datos de xeito máis doado. Atendendo a estas tarifas R valoraría a oferta de máis de 80 canles de televisión e radio xunto cunha tarifa plana de chamadas a móbiles en 20 euros, o que para moitos xa compensa só polas chamadas a móbiles (o que abre a porta a que moitos fogares teñan televisión dixital interactiva, e así piquen algún día mercando partidos ou películas… ¡chamádelles parvos!).
O caso é que parece ser a primeira operadora en lanzar unha oferta semellante en España, e podería ser o salto competitivo que R necesitaba para rematar de captar clientes de Telefónica alí onde coexisten en cobertura.
ACTUALIZACIÓN: como todas estas tarifas planas móbiles, inclúe un tope de minutos, que no caso de R é de 500, polo que a moitos aínda lle compensan tarifas como as Vitamina de Vodafone (especialmente se esta semana lanzan a Super 60×1).
Debe estar conectado para enviar un comentario.