Currículum esaxerado

Pepe Cervera fala no seu blog dun fulano chamado Aleksey Vayner, que naceu en Uzbekistán e estudiou na prestixiosa universidade de Yale e, para pedir traballo na banca de...

Pepe Cervera fala no seu blog dun fulano chamado Aleksey Vayner, que naceu en Uzbekistán e estudiou na prestixiosa universidade de Yale e, para pedir traballo na banca de New York mandou un currículo realmente esaxerado no que adxuntou o seguinte vídeo:

O ghicho, defínese coma deportista profesional (de esquí, artes marciais e tenis), sanador mediante técnicas orientais, experto en técnicas de mellora persoal, bailarín de salón e escritor. Sobra dicir que cando a xente comezou a ver o vídeo en cuestión comprendeu que Vayner debe de ter unha imaxe de si mesmo un tanto esaxerada, pois as súas imaxes levantando pesas dan bastante pena (cando sube peso, emprega axuda… e move os ferros cunha absoluta falta de técnica), os saques de tenis son ridículos, bailando salsa vese que está ben acompañado (pero que aínda lle quedan moitas clases para aprender a facelo ben) e do momento no que fai que racha uns ladrillos… mellor non falar… (supoño que iso que soltan por aí de que foi o gardacostas do Dalai Lama será unha chorrada máis, como que era técnico de residuos nucleares).
Non me sorprende que agora o currículo do rapaz circule por medio EE.UU. a xeito de carallada, polo que recomendo a calquera que cando se poñan a incluír parvadas no seu currículo, que mellor sería reflexionar un pouquiño, e procurar esquecer o cinturón branco-amarelo de Tae Kwon Do e o curso de 3 días de socorrismo, porque iso non converten a ninguén en Jack Bauer. Cando menos Vayner fixo pasar un bo rato a boa parte da Internet, o que tampouco está mal.

Comentarios

Chíos e rechouchíos

ENTRADAS RELACIONADAS

  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...