Fisterra sucumbe ao carbono modificado

A pasada fin de semana rematei de ver a serie Altered Carbon en Netflix, historia baseada no libro Carbono Modificado no que preséntase un futuro no que é posible...

A pasada fin de semana rematei de ver a serie Altered Carbon en Netflix, historia baseada no libro Carbono Modificado no que preséntase un futuro no que é posible almacenar a conciencia dunha persoa nunha pía colocada na caluga, permitindo así non só transcender á propia morte, senón tamén empregar os corpos como se fosen prendas de vestir (fundas) de xeito que é posible transferir a consciencia dunha funda a outra, o que resulta de grande utilidade, por exemplo, para viaxar entre planetas.

Temos así unha proposta que moitos ven como unha versión lixeira de Blade Runner, que presenta moitas capas, de xeito que tanto podemos vela como unha simple serie de acción na que hai que resolver un enigma, como tamén podemos adoptar unha perspectiva máis filosófica sobre o significado da humanidade, das desigualdades sociais ou da identidade do individuo.

Pero o que me chamou máis a atención foi ver que hoxe Netflix decidiu promocionar a serie cun vídeo ambientado en Fisterra, protagonizado por Vicente Mohedano (facendo de antigo sepultureiro), Covadonga Berdiñas (a súa dona), Carolina Vázquez (facendo dunha especie de viúva negra) e Josito Porto (o cura que reparte hostias en realidade virtual), que presentan con humor o impacto que tería a tecnoloxía de Altered Carbon no noso contorno máis próximo.

Comentarios

Chíos e rechouchíos

ENTRADAS RELACIONADAS

  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...