BBC News faise viral até en Galicia

Nos últimos días causou furor un vídeo de BBC News no que o profesor Robert Kelly, mentres estaba a falar en directo mediante videoconferencia sobre a destitución da presidenta...

Nos últimos días causou furor un vídeo de BBC News no que o profesor Robert Kelly, mentres estaba a falar en directo mediante videoconferencia sobre a destitución da presidenta surcoreana Park Geun-hye, veuse interrompido pola súa filla e o seu fillo, tras os que apareceu rapidamente a súa dona dun xeito bastante cómico.

Pero non chega con que ese vídeo acumule millóns de reproducións, senón que o conto inspirou numerosas parodias, como na que fan broma sobre o feito de que a meirande parte das persoas entenderon que a rapaza que retira a toda presa ao nenos da habitación no vídeo orixinal era a coidadora dos cativos:

Aínda que a parodia máis friki é a baseada en Star Wars (droides do carallo!):

Iso si, as amigas do programa A Tarde da Radio Galega, agora que presumen de youtubeiras, non puideron deixar pasar a oportunidade para facer a súa achega ao fenómeno viral.

Nótase que a Alberto Rivero custoulle moito conter a risa, aínda que nas tomas falsas si que riu a gusto.

ACTUALIZACIÓN (17-3-2017): Está a arrasar unha nova parodia na que podemos ver como sería o vídeo orixinal se a persoa entrevistada pola BBC News fose unha muller:

Comentarios

Chíos e rechouchíos

ENTRADAS RELACIONADAS

  • O podcasting posto en valor

    Hai algo máis dun ano os oíntes do podcast La Órbita de Endor (LODE) coñecemos un experimento de iVoox a través do que ofrecíanse subscricións de pagamento, e finalmente...
  • O Banjo Fantástico

    Chámase Ollie, ten un banjo, e tras facer unha chea de versións de música de videoxogos como Out Run, Street Fighter II ou Tetris, inicia unha nova serie de...
  • Muuu (son unha vaca)

    Amala Zandile Dlamini, ou Doja Cat, é unha cantante californiana de 22 anos que conseguiu certo éxito en 2014, como demostra que o seu vídeo So High superase os...
  • Farruco nos primeiros tempos da Galega

    Aínda que moitos lembren a Xosé Lois Bernal López Farruco na Televisión de Galicia por aparicións na serie Terra de Miranda ou por presentar o programa Vivir Aquí con...