Insultos alternativos, sofisticados e super-ofensivos segundo Ter

Unha das youtubers emerxentes, que causou certo rebumbio hai uns meses por comentar que as Kardashians son máis importantes que Gabriel García Márquez (chegando a saír en medios de...

Unha das youtubers emerxentes, que causou certo rebumbio hai uns meses por comentar que as Kardashians son máis importantes que Gabriel García Márquez (chegando a saír en medios de comunicación ao outro lado do Atlántico), Ter, conseguiu destacar especialmente pola súa defensa do cu de Kim Kardashian como a nova proporción áurea, pero agora tamén tivo outra xenialidade: propor insultos alternativos.

Ter asegura que o insulto «fillo de puta» perdeu todo o significado, e realmente non insulta á persoa á que queremos ofender, polo que fai interesantes propostas alternativas.

Eu quedo coas máis tecnolóxicas:

  • Es un enderezo de correo electrónico de Yahoo!
  • Es Facebook cando aínda non se podían pór stickers nos comentarios
  • Es unha actualización de Java
  • Es un GIF que non carga
  • Es o Wi-Fi de Renfe, que non hai
  • Es a páxina web do Congreso dos Deputados
  • Es un grupo de WhatsApp para mercar un agasallo en común

Aínda que posiblemente o máis ofensivo de todos os insultos é o de «es unha marmelada con só o 5% de froita». 😆

Comentarios

Chíos e rechouchíos

ENTRADAS RELACIONADAS

  • O podcasting posto en valor

    Hai algo máis dun ano os oíntes do podcast La Órbita de Endor (LODE) coñecemos un experimento de iVoox a través do que ofrecíanse subscricións de pagamento, e finalmente...
  • Muuu (son unha vaca)

    Amala Zandile Dlamini, ou Doja Cat, é unha cantante californiana de 22 anos que conseguiu certo éxito en 2014, como demostra que o seu vídeo So High superase os...
  • Fisterra sucumbe ao carbono modificado

    A pasada fin de semana rematei de ver a serie Altered Carbon en Netflix, historia baseada no libro Carbono Modificado no que preséntase un futuro no que é posible...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...