Sae á venda nos EE.UU. 8House: Kiem

Tras unha longa espera, a colaboración entre Brandon Graham e o artista coruñés Xurxo G. Penalta por fin deu o seu froito, e hoxe saíu á venda nos EE.UU....

Tras unha longa espera, a colaboración entre Brandon Graham e o artista coruñés Xurxo G. Penalta por fin deu o seu froito, e hoxe saíu á venda nos EE.UU. o cómic 8House: Kiem, que en breve poderá adquirirse en edición física en Alita Comics, pero que xa podemos adquirir en dixital a través de comiXology a un prezo de 2,69 euros.

comiXology permite descargar as obras en PDF e CBZ

comiXology permite descargar as obras en PDF e CBZ

A miña impaciencia levoume a adquirir unha das copias dixitais, o que é toda unha gozada, xa que a plataforma de comiXology continúa a ser magnífica, ofrecendo a posibilidade de ler os cómics adquiridos na súa páxina web directamente dende a mesma (teñen un visor bastante xeitoso), de descargar as obras a xeito de copia de seguridade en formato PDF e CBZ (de xeito que se dentro dunha década comiXology vai ao carallo, continuarás a ter acceso ás obras adquiridas a unha resolución de 300 puntos por polgada) e incluso contan cunhas excelentes aplicacións para dispositivos móbiles de xeito que podemos ler as obras comodamente nunha tableta.

8House: Kiem no visor web de comiXology

8House: Kiem no visor web de comiXology

Unha cousa curiosa das aplicacións móbiles de comiXology é que agora non permiten as compras in-app, senón que hai que mercar dende a web, e o motivo de tal cambio é que queren evitar que compañías como Apple leven a habitual comisión do 30% polas compras a través das súas tendas dixitais, o que é máis que razoable no caso dun xogo para o móbil, pero que se nos metemos en contidos dixitais distribuídos a través de aplicacións a comisión é abusiva (xa que en tal caso a tenda de aplicacións non é a que alberga os contidos, facendo de intermediario só nos pagamentos, e normalmente para ese tipo de operacións a comisión debería ser inferior ao 4%).

descargando co cómic no iPad

O que non deixa de ser marabilloso é que un lector poida ler unha obra o día do seu lanzamento sen ter que agardar que a súa copia física viaxe a través do servizo postal. É unha maxia que non podiamos imaxinar hai uns anos, e que co tempo rematará coas ridículas fronteiras de explotación de contidos. Unha revolución da que somos testemuño paso a paso, e que non beneficiará a todos, pero son precisamente ese tipo de avances na comunicación os que posibilitan que teñamos a tantos autores galegos vendo as súas obras publicada nos EE.UU. antes que en España.

Volvendo a 8House: Kiem, só podo recomendar a súa lectura, aínda que moitos igual prefiren agardar a que se publique en España (para o que faltan moitos meses); e para saber algo máis da obra, nada mellor que escoitar ao seu autor falando da mesma:

Comentarios

Chíos e rechouchíos

ENTRADAS RELACIONADAS

  • Novo tráiler da película de Wonder Woman

    Tras varios teasers que foron poñéndonos os dentes longos, por fin temos o novo tráiler do filme de Wonder Woman protagonizado por Gal Gadot. Desta volta amósanos un chisco...
  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...
  • Novo tráiler de Guardianes de la Galaxia Vol. 2

    A que promete ser a película máis divertida do ano, Guardianes de la Galaxia Vol. 2, estrea por fin o seu novo tráiler, amosando moito máis do que era...
  • Xabaríns na USC

    A semana pasada en Código Cero dimos conta da estrea do xogo Xabaríns na USC, do tolambrán Juan Gestal, a quen ultimamente temos facendo das súas pola cidade da...