Gryzor, un xogo moi difícil

Nos tempos nos que tiña un ZX Spectrum +2 e frecuentaba as máquinas recreativas, había un xogo que destacaba por detalles como ter unha cuberta na que plaxiaban descaradamente...

portada de Gryzor

Nos tempos nos que tiña un ZX Spectrum +2 e frecuentaba as máquinas recreativas, había un xogo que destacaba por detalles como ter unha cuberta na que plaxiaban descaradamente a portada de Predator e unhas mecánicas revolucionarias: tanto contaba con niveis de desprazamento horizontal con dúas alturas coma con niveis isométricos estáticos (unha especie de 3D rudimentario) nos que moverse de lado a lado (e, ocasionalmente, cara arriba) para rematar cos inimigos na parte superior da pantalla. Falo de Gryzor (título ao que algúns en España chaman absurdamente Contra, cando ese era o título nos EE.UU.), un clásico ao que eu botaba partidas en máquina, polo que foi toda unha gozada poder mercalo para o Spectrum e así xogar na casa.

Imaxes da máquina recreativa

Imaxes da máquina recreativa

O que pasa con este tipo de xogos é que, ao estar pensados para salóns recreativos e bares, buscábase que o nivel de dificultade fose moi elevado, para que tiveses que meter cartos na maquiniña moitas veces para pillarlle o truco e así poder avanzar no xogo, en contraste cos videoxogos actuais, que normalmente téñense en propiedade, polo que os desenvolvedores fan que sexa practicamente imposible morrer nos mesmos para así poder descubrir todos os seus contidos dun xeito doado. Este cambio de modelo de negocio dos videoxogos provocou que os xogadores actuais non estean afeitos á dificultade que tiñamos nos anos 80 e primeiros dos 90, e como mostra, podemos botar unhas risas co vídeo no que poñen o Gryzor a uns mozos para así comprobar o complicado que lles resulta avanzar:

Decidamente os vellos xogos son frustrantes para os que non están afeitos. Non é que sexan mellores ou peores, simplemente o que acontece é que o contorno de xogo é diferente, e agora búscanse outros elementos como interactuar en liña ou gozar co descubrimento. O mundo dos videoxogos mudou co tempo, e os clásicos son agora aptos para moi poucos xogadores.

Comentarios

Chíos e rechouchíos

ENTRADAS RELACIONADAS

  • En Suíza tamén hai cosplay

    Que actualmente hai convencións fikis por todo o mundo non é ningunha sorpresa, pero sorpréndeme non ter escoitado nunca falar da que montan en Basilea, pois «a Comic Con...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...
  • Tecnoloxía para o ano 2017

    Esta semana chamáronme do programa Área Pública da Galega para ver se podiamos facer un pequeno adianto do que será a tecnoloxía durante o ano que entra: Aínda que...
  • Agasallos tecnolóxicos na Revista Fin de Semana

    Esta mañá María Solar convidoume a facerlle unha visita polo programa A Revista Fin de Semana da Galega, para falar un pouco de tecnoloxía de cara aos agasallos de...