Comeza BOOM! Film & Comic en Vigo

Os organizadores dos eventos frikis coruñeses téñenme comentado que cada ano rexistran un número impresionante de visitantes de Vigo, o que resultaba bastante rechamante, pois o sur de Galicia...

boom_film_and_comic

Os organizadores dos eventos frikis coruñeses téñenme comentado que cada ano rexistran un número impresionante de visitantes de Vigo, o que resultaba bastante rechamante, pois o sur de Galicia parece un ermo no que á actividade do sector se refire, pero por fin parece que hai que detectou que tal carencia podía corrixirse, e a xente de BlackHouse Entertainment atreveuse a organizar no Auditorio Mar de Vigo a primeira edición do BOOM! Film & Comic, un evento que parece beber das populares Comic-Con, ou sexa, que combina banda deseñada, televisión, ciencia ficción, cosplay, videoxogos e mortos viventes durante un par de días.

O grande reclamo que teñen este ano é a ExpoSyfy (semellante á que visitou A Coruña durante a celebración de Viñetas desde o Atlántico en 2011), que é de acceso de balde, mentres que para participar das actividades de BOOM! Film & Comic haberá que mercar unha entrada diaria ou un pase de fin de semana (a 7 e 12 euros respectivamente en venta anticipada).

O evento comeza mañá, e unha das súa actividades máis interesantes do día será a charla do experto en efectos especiais de maquillaxe Alberto Hortas ás 16:30 horas; os autores Kenny Ruiz e Antonio Seijas tamén terán sesións de sinaturas ás 19:00 horas; mentres que ás 19:20 horas Javier Olivares, un dos creadores de El Ministerio del Tiempo, falará deste éxito de Televisión Española que vén de ser renovado; e para pechar a xornada botarán o filme Sharknado ás 22:00 horas.

nosolocosplay_10443388_1642713522623596_4396003818313284279_n

Supoño que o sábado será o día máis concorrido (cando menos é así normalmente nos eventos coruñeses) e será cando ás 18:00 horas se celebre o concurso de cosplay, contando con figuras relevantes deste sector como xuíces. Teño curiosidade por ver se hai un nivel de participantes á altura da HobbyCon.

Tampouco faltan sesións de sinaturas ás 19:00 horas con José Domingo, David Braña, Anel Montoro, Patricio Clarey e Lara Fuentes, coincidindo cun encontro co ilustrador Ricardo Cavolo, que parece espertar bastante entusiasmo. O actor de La que se avecina, Nacho Guerreros, estará no Auditorio ás 20:00 horas, e seguirano os toliños de Mongolia ás 21:00 horas. Rematará a xornada a proxección ás 22:00 horas de Sharknado 2.

Podedes consultar o programa completo en liña, e así poder decidir cando pasar por alí. Espero que o encontro sexa todo un éxito para que conte con máis edicións e incremente a competencia coas celebracións coruñesas, porque entendo que a competencia é boa. Amais, esta feira está programado o suficientemente lonxe do verán como para non solaparse cos eventos na Coruña, o que supoño que atraerá a xente con mono de frikerío.

Comentarios

Chíos e rechouchíos

ENTRADAS RELACIONADAS

  • Logan: «hostia puta»

    Por se alguén estaba confundido e pensaba que Logan ía ser unha especie de terceiro filme de Lobezno, temos por fin un novo tráiler que deixa claro que a...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...
  • Tecnoloxía para o ano 2017

    Esta semana chamáronme do programa Área Pública da Galega para ver se podiamos facer un pequeno adianto do que será a tecnoloxía durante o ano que entra: Aínda que...
  • Noite de paz

    Con tanta guerra nunha galaxia moi moi lonxana, cómpre chamar a Chewie para que vos desexe unha noite de paz cantando como el ben sabe: Relacionado Comentarios...