Vídeos musicais de cine: de Kill Bill a Barbarella en dúas cancións

Durante a xornada de hoxe casualmente descubrín dos vídeos musicais de cantantes femininas que non seguín na vida, que non me interesan un carallo, pero que me fixeron aplaudir...

10498485_901648509852341_6761417082803134079_o

Durante a xornada de hoxe casualmente descubrín dos vídeos musicais de cantantes femininas que non seguín na vida, que non me interesan un carallo, pero que me fixeron aplaudir o seu traballo dende o punto de vista audiovisual.

Black Widow vs. Kill Bill

Un deses vídeoclips é o de Black Widow de Iggy Azalea con Rita Ora, que grazas á participación de Michael Madsen consegue quedar como unha parodia de Kill Bill:

Break Free vs. Barbarella

Pero o vídeo que máis me sorprendeu foi o de Break Free de Ariana Grande, no que fan toda unha homenaxe ao filme Barbarella de Jane Fonda, aínda que mudando ao malvado Durand-Durand (vai ser que o nome do grupo musical non vén da historia que contaban en El Príncipe de Bel-Air) por un Ming (Flash Gordon) de garrafón:

Si, o momento peitos fóra en plan Afrodita A tamén ten a súa graza.

Supoño que a xente que non chegara a ver as series de televisión e as películas de ciencia ficción dos anos 60-80 non rematarán de pillar o aquel do vídeo, pero a min pareceume xenial.

Patrocinio tecnolóxico

Para concluír quixera comentar que non deixa de ser curioso ver como no vídeo de Ariana Grande pode verse claramente un iPhone e uns auriculares Beats (compañía adquirida por Apple) dando a impresión de que se trata dun acto de product placement como o tabletófono de HP que sae no vídeo de Iggy Azalea.

Supoño que iso de empregar os vídeos musicais como escaparate tecnolóxico é algo natural, en vista de que ese tipo de contidos se consumen principalmente a través de YouTube, o que fai que haxa un certo sesgo tecnolóxico entre a audiencia.

Comentarios

Chíos e rechouchíos

ENTRADAS RELACIONADAS

  • Han Solo estrea tráiler

    O 25 de maio chegará aos cines o filme HAN SOLO: Una Historia de Star Wars, e a cousa mete bastante medo, porque até hoxe non puidemos ver o...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...
  • Os capos da Galega saltan ao baleiro

    O grupo coruñés Nortones estrea vídeo musical, Salto Al Vacío, da xente de Dreamovie, e que contou con moitas caras coñecidas: Un puntazo poder ver xuntos aos principais capos...
  • Colección friki dun espectador da Galega

    Hai uns días déuseme por recompilar algunhas das películas e series de televisión en DVD, figuras, e outras curiosidades que teño por casa para demostrar que criarse vendo a...