O Universo Marvel feito podcast

Este ano estou a ter serios problemas para poder achegarme a Viñetas desde o Atlántico, por causas de forza maior, pero aínda así procurei facer unha visita lóstrego a...

vinhetas_xoves

Este ano estou a ter serios problemas para poder achegarme a Viñetas desde o Atlántico, por causas de forza maior, pero aínda así procurei facer unha visita lóstrego a última hora da mañá, para poder asistir á gravación dun podcast e saudar a algúns amigos rapidamente.

vinhetas_podcast_01

O podcast en cuestión é o da páxina web Universo Marvel, que publícase a través de iVoox, plataforma na que suman máis de 13.000 descargas en menos de medio ano, polo que algo deben de estar a facer ben estes mozos, pese a estar tan tolos como para facer só do mundo marvelita, ignorando a excelencia do Universo DC. 😈

Visitaron a carpa de Viñetas 4 dos 5 integrantes do podcast, aínda que o quinto elemento non quixo ausentarse totalmente, polo que apareceu a través dunha gravación en vídeo nun ordenador portátil. O máis curioso deste proxecto é que, pese a ter unha organización estatal, 2 dos seus integrantes (Bruno e Nacho) son da Coruña, aínda que ter andaluces no equipo é un problema de cara a que se note tal presenza nun directo, pois todos sabemos que co seu cachondeo e os seus chistes convértense rapidamente no centro de atención… ou non. 😎

vinhetas_podcast_02

Se vos fixades na imaxe superior, igual algún sorprenderase de que haxa rapazas entre o público dun podcast sobre Marvel, pero se estades máis atentos, probablemente atoparedes un detalle aínda máis rechamante. 😆

vinhetas_podcast_03

Dende o podcast aproveitaron o directo para estrear conta en Twitter. E como? Pois cunha autofoto! Non será a cousa máis orixinal do mundo, pero funciona.

Agora o que queda é que publiquen na Internet o material da xornada, que quedará ben como recordo, pero que non deixará de ser máis que un simple anticipo do que será a súa grande entrega podcasteira do verán, na que darán conta das novidades de Marvel da tempada, que están a ser moitas e bastante rechamantes. Haberá que estar pendentes á publicación do podcast…

Xa que estaba por alí puiden ver aberta a caseta do Movemento Xove (coido que o luns aínda non a instalaran), onde non faltaban frikadas do Doutor, e algún detalle máis.

vinhetas_funcomic_chapas

Pero onde si tiven que parar é xunto aos amigos de Funcomic, que sempre teñen anécdotas interesantes que contar. Dende peticións curiosas de chapas até o feito de que o actor de dobraxe que fai do Sr. Satán en Dragonball Z pasou por alí coa familia… pero como a súa voz era a da versión en español dos debuxos animados… ninguén se decataba do asunto por aquí! Era visto que Bola de Dragón Z non ten o mesmo encanto que As Bolas Máxicas!

Ah, e para rematar comentarei que non volvín a casa de baleiro, senón que pillei o Nacho Camacho de Jano, editado por Demo, e que é unha das grandes novidades durante o Viñetas deste ano.

Comentarios

Chíos e rechouchíos

ENTRADAS RELACIONADAS

  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...