Volve á TVG A Casa da Conexa

Tras unha paréntese na pequena pantalla, os personaxes máis coñecidos dos Dous de Sempre, as Cantareiras de Ardebullo, volverán a aparecer regularmente na TVG nun espazo chamado A Casa...

Tras unha paréntese na pequena pantalla, os personaxes máis coñecidos dos Dous de Sempre, as Cantareiras de Ardebullo, volverán a aparecer regularmente na TVG nun espazo chamado A Casa da Conexa. que é xusto como se titulara o seu especial de Nadal. Para dar a coñecer o novo espazo xa fixeron xira polos micrófonos da Radio Galega (e máis que farán) e tamén visitaron A Revista para deixarnos con ganas de máis:

Aínda que tanto Marcos como Touri parécenme uns xenios, a min fanme máis graza as súas intervencións corais en Era Visto. Vaia, que antes, cando me cruzaba con eles pola CRTVG, dicía na casa que vira a Nucha (ou Mucha) e agora teño que dicir que atopei a Kevin José (ou a Puskas). Está claro que, se eles queren, non hai dios que os encasille nun único personaxe.

Hai que recoñecer que foi todo un detalle que Marcos adiantase que Nucha e Mucha van facer uso do Pandeireta PRO no novo programa, ou sexa, que imos ver na tele aos amigos de Taptil (aínda que a partir de agora eu chamareinos Tiptap). ¡Esperamos impacientes!

Comentarios

Chíos e rechouchíos

ENTRADAS RELACIONADAS

  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • O podcasting posto en valor

    Hai algo máis dun ano os oíntes do podcast La Órbita de Endor (LODE) coñecemos un experimento de iVoox a través do que ofrecíanse subscricións de pagamento, e finalmente...