Viñetas desde o Atlántico 2013 xa ten cartel

A feira do cómic da Coruña, Viñetas desde o Atlántico, xa ten o cartel deste ano, ilustrado polo balear Bartolomé Seguí, que facilmente podemos enmarcar entre os mellores deste...

Viñetas desde o Atlántico 2013A feira do cómic da Coruña, Viñetas desde o Atlántico, xa ten o cartel deste ano, ilustrado polo balear Bartolomé Seguí, que facilmente podemos enmarcar entre os mellores deste certame que este ano chega á súa 16ª edición, non así o programa deste ano, que paréceme dos peores que lembro, o que espero que non sexa un presaxio do que nos depara o futuro.

Polo pronto o certame será entre os días 5 e 11 de agosto (¿demasiado cedo?) e na súa relación de convidados o que máis destaca é a impresión de que están case todos repes, ou sexa, que xa viñeron en anteriores edicións de Viñetas, o que é unha mágoa, pois resta atractivo ao encontro.

Non serei eu quen diga que non quere ver a David Ajá (El Inmortal Puño de Hierro) ou Jan (Superlópez) de volta pola cidade, pero algunha sorpresa internacional estaría moi ben. ¿Que foi dos anos nos que había xente que falaba de que contactaran con Byrne ou Gaiman e que igual acababan caendo? ¿E da posibilidade (agora imposible) de que algunha lenda como Will Eisner pasasen pola Coruña?

Completarán o programa os convidados Enrique Fernández, Max, Fausto Isorna, Baru e Susanna Martín; as típicas exposicións de orixinais dos convidados, e un par de exposicións especiais: Unha sobre o cómic e o mar comisariada por Toni Guiral, e a que promete ser moi especial, comisariada por Antonio Martín, e que tratarase dunha retrospectiva de Superlópez (do que sempre me declarei fai pese a ser unha medianía).

Ah, e se controlades de comics e tedes habilidade como tradutores e intérpretes de inglés e francés, podedes ofrecervos como tradutores voluntarios durante Viñetas.

Comentarios

Chíos e rechouchíos

ENTRADAS RELACIONADAS

  • Colección friki dun espectador da Galega

    Hai uns días déuseme por recompilar algunhas das películas e series de televisión en DVD, figuras, e outras curiosidades que teño por casa para demostrar que criarse vendo a...
  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...