Hobby Con (I): unha feira diferente

O PALEXCO da Coruña está a acoller estes días a primeira edición da Hobby Con, unha feira multidisciplinar que xunta xogos de mesa, banda deseñada, anime, videoxogos e ciencia...

PALEXCO

O PALEXCO da Coruña está a acoller estes días a primeira edición da Hobby Con, unha feira multidisciplinar que xunta xogos de mesa, banda deseñada, anime, videoxogos e ciencia ficción, no consolida unha especie de ruta de festeira friki na cidade herculina, que comezou hai un mes con ExpOtaku, continuará nos dous vindeiros meses con Viñetas desde o Atlántico e RetroCoruña. Dende a organización da Hobby Con recoñeceron que se trataba dunha conspiración para converter á Coruña na cidade máis friki de Galicia (aínda que apuntando que en Vigo había moito friki de dios, sendo a cidade con máis presenza en ExpOtaku, o que resulta un tanto rechamante).

Ao entrar no recinto atopamos unha sección destinada á creación de videoxogos, na que destacan os mozos de Gato Salvaje (estudio coruñés que está a desenvolver o xogo AR-K) e un mecha que está dispoñible para que a xente poida sacar fotografías ao seu carón.

Neste primeiro andar tamén temos zona de videoxogos, algunhas tendas e, nun curruncho, unha curiosa exposición de armas, que máis dun aproveitou para sacar unha fotografía en plan camper. Vaia, que mentres pasaba por alí escoitei a verios berrar iso de «headshot».

Xunto a este curioso espazo tiñamos un conxunto de mesas nas que poder gozar de distintos xogos de mesa e de cartas, cunha variedade que poderían pillar por sorpresa a calquera que non se mova en certos círculos. ¡Hai moita vida máis aló das cartas de Magic e do Trivial Pursuit!

Tamén había un animado espazo musical na que a xente ensaiaba coreografías e facía karaoke, destancando cancións en xaponés, aínda que a min facíame máis graza cando se atrevían con temas en español como o de Pokémon.

Segundo andar

Pero non había que correr o risco de deixar de visitar o segundo andar o recinto de PALEXCO, no que se repartían exposicións, tendas de artesanía e salas nas que tiñan lugar conferencias.

Tras subir as escaleiras (se algún é preguiceiro, tamén hai ascensor) atopei nunhas mesas a xente participando nun obradoiro de hama beads, o que de seguro que interesa a moitos amantes do pixel art. Pareceume curioso ver a un retratista que facía caricaturas ao momento por encargo (algunhas das súas obras de exemplo eran moi boas).

Tamén resultoume divertido un photocall no que poidamos pousar para fotografías facendo uso de caretas de Star Wars. E ao lado mesmiño do photocall había un sofá cunha mesiña que tamén tiña boa pinta para sacar fotografías, e que fíxome descubrir que entre os días 16 e 22 de setembro vai ter lugar o Festival de Cinema Fantástico da Coruña FKM 2013.

Exposicións moi interesantes

Pero se queremos ver exposicións, unha das máis discretas é a de Pesadilla antes de Navidad, pero que de seguro que encanta aos seareiros da obra de Tim Burton.

As pezas que si que gustaron moito aos asistentes eran os que formaban parte dunha pequena mostra steampunk. Estaban tan traballadas que ata dá mágoa vestilas.

Pero a mostra de material que máis destacaba era o de Star Wars, con pezas expostas na mesma zona que a exposición steampunk e con figuriñas e estatuas no espazo reservado para a Tropa Korriban. Todo un luxo para os seareiros ao universo galáctico de George Lucas (resístome a dicir de Disney).

A maiores tamén había unha exposición de fotografías do Xapón e do Doutor Who, pero parecéronme pouco descatables (especialmente a do Doutor, pois o personaxe dá para moito máis que unhas poucas fotografías).

Comentarios

Chíos e rechouchíos

ENTRADAS RELACIONADAS

  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • Supergirl promociona o filme de Wonder Woman

    A pasada noite a serie de televisión de Supergirl despediu a súa segunda tempada, e aproveitaron a ocasión para facer publicidade do novo filme de Wonder Woman protagonizado por...