Os Melidaos estarán o sábado no Salón Teatro

O pasado 26 de abril a formación musical Os Melidaos pasou polo Luar da TVG para dar a coñecer a súa vindeira actuación en directo, dentro dunha xira de...

Os Melidaos

O pasado 26 de abril a formación musical Os Melidaos pasou polo Luar da TVG para dar a coñecer a súa vindeira actuación en directo, dentro dunha xira de concertos na que amosan ao público o seu novo disco Axudádeme a cantar:

A vindeira cita cos Melidaos será o sábado ás 20:30 horas no Salón Teatro, e a entrada é de balde.

ACTUALIZACIÓN (8-5-2013): Dende Os Melidaos están a dar conta do concerto no Salón de Actos a través do seguinte comunicado:

O grupo de música tradicional Os Melidaos presentará o 11 de maio no Salón Teatro de Santiago de Compostela o seu segundo disco que leva por título “Axudádeme a cantar”.

Os Melidaos publicaron hai uns meses un novo disco gravado nos estudios Abrigueiro de Friol. O traballo está formado por catorce pezas, varias delas cantadas, e algunhas compostas por membros dos Melidaos. É o caso do “Pasodobre de Marcelino” do veterano gaiteiro Marcelino Vázquez, e a peza “Pasando pola vila de Arzúa” composta polo gaiteiro e voz principal do grupo Antonio Raposo.

Os Melidaos naceron no ano 2001 en Melide pola unión de músicos de diferentes xeracións e variada procedencia que consideran que a música tradicional é un tesouro que cómpre conservar.

Co seu primeiro disco “Que ben baila, que ben baila”, publicado en 2009, quixeron render unha homenaxe a todos os músicos populares, anónimos e recoñecidos, que contribuíron a que a música tradicional e os instrumentos populares formen parte do noso ser como pobo.

   “Axudádeme a cantar”

O disco “Axudádeme a cantar” conxuga as seguintes máximas:

–         Disco de música tradicional no que os xeitos de executar e de interpretar respectan os máis vellos estilos do noso país.

–         Incorporación dun novo instrumento que é universal – A VOZ

–         Repertorio compensado, incluíndo pezas dos ritmos máis representativos da nosa música (3 foliadas, 3 muiñeiras,                  3 pasodobres, 2 xotas, 1 canto de arrieiro cunha marcha de procesión, 1 polca e 1 valse)

–         Parte do repertorio recollido neste traballo é alleo, tanto tradicional como de autor, e parte é repertorio propio do grupo (recollido por eles mesmos ou composto por algún dos membros do grupo). A esta última categoría de pezas, pertencen a Marcha de procesión,

–         O disco contén diferentes tonalidades. Así, hai pezas gravadas en Do, en La e en Si bemol.

O segundo disco dos Melidaos (música, voces, aturuxos, pandeiretas, cunchas, …) está integramente producido por eles, sen ningún tipo de colaboración. Isto permite que, nos directos, o grupo poida reproducir fielmente o que está gravado no disco.

Os Melidaos está composto por:

MARCELINO VÁZQUEZ FERNÁNDEZ: Gaita

PEPE TABOADA SÁNCHEZ: Clarinete, gaita e voz

PEPIÑO BLANCO LÓPEZ: Bombo e voz

XOSÉ LUIS CASAL LEMA: Tamboril, pandeireta e voz

ANTONIO RAPOSO VIDAL: Gaita, cunchas e voz

XELE BARRIO BLANCO: Acordeón e voz

DIEGO GONZÁLEZ VÁZQUEZ: Gaita, pandeireta e voz

musica_festa_melindreEstes gaiteiros que cantan dedican o traballo “Axudádeme a cantar” ás súas familias e “a todos aqueles músicos tradicionais anónimos que, sen ningún tipo de recoñecemento oficial, teñen o noso máis profundo respecto e admiración por levar dentro de si a identidade do noso País”.

Os Melidaos pecharán, xunto ao grupo folk Tromentelos, a XXII Festa do melindre que se celebra este domingo, 12 de maio. Será nun concerto na Praza das Coles de Melide que dará comezo ás 19:30 horas.

Comentarios

Chíos e rechouchíos

ENTRADAS RELACIONADAS

  • Os capos da Galega saltan ao baleiro

    O grupo coruñés Nortones estrea vídeo musical, Salto Al Vacío, da xente de Dreamovie, e que contou con moitas caras coñecidas: Un puntazo poder ver xuntos aos principais capos...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • PSY segue moi vivo

    Hai moito tempo que o rapeiro PSY non ten un superéxito en YouTube, pero iso non quere dicir que desparecerse ou que estivese quieto, senón que é moi complicado...
  • Grande éxito da XXVI Festa do Melindre

    Admito que este ano quedei moi positivamente coa boa acollida que tivo a XXVI Festa do Melindre e da Repostaría Tradicional de Melide, pois tras un sábado con moi...