A película de Comando G será realidade no verán

Finalmente a serie de televisión de Comando G (ou La Batalla de los Planetas) vai ter versión en pantalla grande e, en vez de optar por imaxes creadas por...

Finalmente a serie de televisión de Comando G (ou La Batalla de los Planetas) vai ter versión en pantalla grande e, en vez de optar por imaxes creadas por ordenador ou debuxos animados, atrévense coa acción real, de xeito que o vindeiro 24 de agosto agárdase que os cines xaponeses poidan exhibir o filme Gatchaman que promete satisfacer aos seareiros da serie de 1972. Para comezar, podemos ver a aparencia que terán Mark, Jason, Princesa, Tiny e Keyop:
Os protagonistas do filme

Ao parecer, o esforzo por levar os deseños dos traxes dos nosos heroes á realidade foi titánico, e tiveron que gastar nos mesmos uns 20 millóns de iens (máis de 150.000 euros) polo que teño moitas ganas de velos en acción.

O filme iniciouse o ano pasado para celebrar o 50 aniversario de Tatsunoko, a compañía de animación detrás de Comando G, e ambientarase en Tokio nun futuro próximo, cando un grupo especial deberá enfrontarse a unha invasión alieníxena.

Vaia, que non podemos esperar máis que unha película palomiteira para o verán da que coido que o único lamentable é que non caera en mans dun estudio norteamericano para que inxectase millóns de dólares e conseguise devolver a gloria pasada a esta franquía.

Comentarios

Chíos e rechouchíos

ENTRADAS RELACIONADAS

  • BBC News faise viral até en Galicia

    Nos últimos días causou furor un vídeo de BBC News no que o profesor Robert Kelly, mentres estaba a falar en directo mediante videoconferencia sobre a destitución da presidenta...
  • Os Teletubbies preguntan que che pica

    Robert Jones, un deses tolos que fai vídeos bastante entretidos para YouTube, como no que mestura escenas de películas dos anos 90 na que pode verse á xente bailand...
  • Novo tráiler da película de Wonder Woman

    Tras varios teasers que foron poñéndonos os dentes longos, por fin temos o novo tráiler do filme de Wonder Woman protagonizado por Gal Gadot. Desta volta amósanos un chisco...
  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...