Compostweets celebra a súa terceira edición o vindeiro venres

Tras a reformulación do Compostweets na súa segunda edición, este venres o Centro de Novas Tecnoloxías de Galicia volverá a acoller o Encontro Anual do Social Media de Galicia,...

Tras a reformulación do Compostweets na súa segunda edición, este venres o Centro de Novas Tecnoloxías de Galicia volverá a acoller o Encontro Anual do Social Media de Galicia, que unha vez máis muda de formato, para concentrar a súa actividade na tarde.

O encontro será de asistencia gratuíta ata completar aforo, botando a andar ás 16:15 horas e contando como principal reclamo a Rodolfo Carpintier, un referente dos negocios na Internet española, que participou en proxectos como Tuenti e BuyVip, e que faralá sobre as vantaxes da Internet para emprender.

Tamén presentaranse 6 proxectos innovadores qe ocmpetirán por un curso de formación; e Rubén Bastón, un dos culpables de que nacese o Compostweets, impartirá un relatorio sobre marketing dixital.

Aínda que o encontro poderá seguirse mediante streaming, recomendo aos interesados no sector das redes sociais que acudan en persoa, pois unha das cousas máis destacables deste tipo de eventos é o contacto con outros profesionais, o que pode servir tanto para afianzar relacións como para coñecer proxectos e persoas afíns.

Velaquí algunhas imaxes da pasada edición:

Durante a fin de semana espero poder publicar algunhas imaxes do encontro deste ano, que aínda que máis podesto que noutras ocasións, seguirá a contar cos entusiastas participantes de costume, que xa somos uns incondicionais deste tipo de sarao, e que posiblemente non volveremos a coincidir ata a celebración do MexilOnseTuits en Bueu.

Comentarios

Chíos e rechouchíos

ENTRADAS RELACIONADAS

  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...