O iPad ¡está que te caghas!

A xente de CTA Digital debe de querer superar aos fabricantes xaponeses á hora de lanzar produtos curiosos ao mercado, e entre os seus accesorios para iPad engadiu un...

A xente de CTA Digital debe de querer superar aos fabricantes xaponeses á hora de lanzar produtos curiosos ao mercado, e entre os seus accesorios para iPad engadiu un par de complementos que noutro momento tomaríanse coma unhas bromas do Primeiro de Abril, pero que resultan ser totalmente reais, podendo adquirirse a través de Amazon.

Nun principio que CTA fabricase un pedestal para colocar o iPad pareceríame algo totalmente razoable, pois existen moitos usos para tal accesorio (para ler en público, para TPV, como punto de información…) pero ao engadirlle no seu pé un porta-rolos para o papel hixiénico coido que pasáronse bastante. Coido que é o equivalente á xente que colocaba un revisteiro

xunto ao retrete, o que é un tanto excesivo, pois unha cousa é ler o xornal cando un vai mandar unha carta certificada, e outra é adaptar o cuarto de baño para tal fin.

Pero o pedestal non é nada se o comparamos unha solución que CTA desenvolveu para os máis cativos: un ouriñal-pupitre que conta cun espazo para colocar o iPad. Ou sexa, que nun principio permite que os pequerrechos poidan empregar o tablet de Apple sen medo a que remate non chan, tanto cando están sentados comodamente nun asento integrado como cando están a facer as súas necesidades.

O pedestal está á venda por 44,99 dólares e o ouriñal, que ten o divertido nome de iPOTTY (iCagadoiro) véndese a 39,99 dólares, prezos que podemos considerar totalmente irrelevantes sen temos en conta o que custa un iPad, tablet que non creo que ninguén vaia considerar que sexa unha merda, aínda que sospeito que en moitos casos cheirará como tal.

Comentarios

Chíos e rechouchíos

ENTRADAS RELACIONADAS

  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...
  • Xabaríns na USC

    A semana pasada en Código Cero dimos conta da estrea do xogo Xabaríns na USC, do tolambrán Juan Gestal, a quen ultimamente temos facendo das súas pola cidade da...
  • Los Nativos Digitales No Existen en Compostela

    O pasado venres foi a presentación en Santiago de Compostela do libro Los Nativos Digitales No Existen, e aproveitando o evento na cidade, Javier Pedreira Wicho e Fátima García...
  • LGx15 en YouTube

    O pasado 24 de novembro celebrouse a segunda edición do LGx15 organizado pola Coordinadora de Traballadores de Normalización da Lingua (CTNL), e nas últimas semanas foron subindo á súa...