Adiantándose á presentación do iPhone 5 a xente de Mondo preparou un divertido vídeo, e agora repiten a historia cunha divertida pelea de galos entre a pantasma de Steve Jobs e Jeff Bezos, o fundador de Amazon, considerando por moitos como o novo Steve no que a presentacións públicas se refire.
[content_right title=”Jeff Bezos”][pullquote]You’re reminiscin’ of
Rick Moranis in “Honey
I Shrunk the iPad”[/pullquote][/content_right]Podemos ver o vídeo de distintos xeitos, pero con independencia do bando que tomemos, o que parece estar claro é que o iPad mini (que algúns din que podería chamarse iPad Air ou algún outro nome alternativo para dar a nota) está totalmente en contra das teses que defendía Apple hai 2 anos, ao igual que o iPhone 5 tumba o que Jobs dicía hai preto de 6 anos ao presentar o primeiro iPhone. Apple está a mudar de criterios, colocando antes o negocio que o produto, o que é o normal nunha empresa, pero non é o que a compañía de Cupertino vendía.
Se esta tarde Apple presenta un iPad mini e unha versión do novo iPad con conector Lightning como se está a rumorear teriamos confirmada unha tendencia: Apple fai cada vez máis cartos a costa da súa imaxe. A compañía da mazá está masificando as vendas, pero perdendo o seu atractivo (aínda que a inercia garántelle bos resultados durante moitos meses, polo que ten moita cancha no caso de querer corrixir o seu rumbo no futuro). Nada que pasase desapercibido para os maqueiros de toda a vida (que puideron ver como Apple mataba a marca Mac para optar por iOSificar o seu ecosistema).
