Movie 43

A pasada noite chegoume por e-mail un anuncio da MTV dicindo que estreaban en primicia o trailer da película Movie 43 e boteille un ollo. Quedei alucinado non polo...

A pasada noite chegoume por e-mail un anuncio da MTV dicindo que estreaban en primicia o trailer da película Movie 43 e boteille un ollo. Quedei alucinado non polo humor brutal, senón pola cantidade de actores e actrices de certa sona que saen no vídeo e non logro saber como alguén foi quen de xuntar a tantos nun único filme. ¡Se só falta Luís Tosar!

Mirei un pouco máis e atopei unha versión en YouTube subtitulada en español e publicada hai varios días (vaia, que o da primicia da MTV era de hai máis dunha semana e o vídeo xa anda rulando por todas partes) e tamén vin que a súa data de estrea nos EE.UU. será o 25 de xaneiro (dubido que chegue a España antes de febreiro), pero xa teño ganas de ver esa burrada que xunta a artistas tan distintos como Hugh Jackman, Gerard Butler, Emma Stone, Elizabeth Banks, Kate Winslet, Uma Thurman, Naomi Watts, Kristen Bell, Seann William Scott, Anna Faris, Richard Gere, Halle Berry, Kate Bosworth e Christopher Mintz-Plasse, aínda que só sexa por lembrar a obra que reduce nunha unidade os graos de separación entre calquera actor de Hollywood e Kevin Bacon. 😀

Comentarios

Chíos e rechouchíos

ENTRADAS RELACIONADAS

  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • Supergirl promociona o filme de Wonder Woman

    A pasada noite a serie de televisión de Supergirl despediu a súa segunda tempada, e aproveitaron a ocasión para facer publicidade do novo filme de Wonder Woman protagonizado por...
  • En Suíza tamén hai cosplay

    Que actualmente hai convencións fikis por todo o mundo non é ningunha sorpresa, pero sorpréndeme non ter escoitado nunca falar da que montan en Basilea, pois «a Comic Con...
  • Blade Runner 2049 apunta maneiras

    Chegou a data na que por fin podemos ver a aparencia real que terá o filme Blade Runner 2049, que estrearase en cines o 6 de outubro e que...