Vídeos virais no Bos Días da TVG

Modesto, o blogueiro que non acouga se non cambia o molde do seu blogue cada pouco tempo, pasou hoxe pola TVG para falar de vídeos virais, e gustei do...

Modesto, o blogueiro que non acouga se non cambia o molde do seu blogue cada pouco tempo, pasou hoxe pola TVG para falar de vídeos virais, e gustei do feito de que comentase o que son realmente:

Comento iso porque hai cousa de ano e medio nunhas xornadas saín bastante mosqueado pola prostitución da expresión, e un responsable dunha axencia de publicidade, tras ter unha campaña viral de éxito, dedicábase a chamar viral a todo o que estivese baseado na Internet, sen contar en absoluto coa interacción do usuario.
Vaia, que deu exemplos de supostas campañas virais que non vira ninguén, argumentando o seu éxito pola súa aparición na prensa tradicional (WTF?). Dar a entender que pode crearse un viral con só intentalo é absurdo. Na web hai milleiros de fenómenos sementados coa intención de converterse en virais, e só uns poucos xermolan (e na meirande parte dos casos, sen pretendelo).
Non creo que nin David saíndo do dentista, nin o esquío dramático fosen clips publicados na Rede para algo máis que botar unhas risas cos amigos, pero saíronse de nai. Sen ir máis lonxe, unha entrevista como a que fixeron no Bos Días a Manuela Busto podería converterse nun vídeo viral, aínda que en Galicia parecen funcionar mellor cousas coma o famoso vídeo do fuchi fuchi (borrado de YouTube, pero circulando por aí igualmente) ou o me cagho nas estrellas.

Comentarios

Chíos e rechouchíos

ENTRADAS RELACIONADAS

  • O podcasting posto en valor

    Hai algo máis dun ano os oíntes do podcast La Órbita de Endor (LODE) coñecemos un experimento de iVoox a través do que ofrecíanse subscricións de pagamento, e finalmente...
  • O Banjo Fantástico

    Chámase Ollie, ten un banjo, e tras facer unha chea de versións de música de videoxogos como Out Run, Street Fighter II ou Tetris, inicia unha nova serie de...
  • Muuu (son unha vaca)

    Amala Zandile Dlamini, ou Doja Cat, é unha cantante californiana de 22 anos que conseguiu certo éxito en 2014, como demostra que o seu vídeo So High superase os...
  • Farruco nos primeiros tempos da Galega

    Aínda que moitos lembren a Xosé Lois Bernal López Farruco na Televisión de Galicia por aparicións na serie Terra de Miranda ou por presentar o programa Vivir Aquí con...