Primeiros detalles do novo iPhone

Onte pola tarde presentouse o novo iPhone 3G S, o que levou a varias persoas a preguntarme o meu parecer sobre o terminal, e teño que admitir que estou...

iPhone
Onte pola tarde presentouse o novo iPhone 3G S, o que levou a varias persoas a preguntarme o meu parecer sobre o terminal, e teño que admitir que estou decepcionado, porque como posuidor dun iPhone clásico ou 2G estaba a agardar un modelo revolucionario que me animase a renovar o móbil, e a cousa non foi para tanto.
Polo momento o que temos é que a meirande parte das novidades son de software, de xeito que a semana que vén, con descargar a actualización que van sacar os de Apple, todo resolto, e así entre o iPhone 3G e o iPhone 3G S as diferenzas son cativas:
Comparación entre ambos iPhone 3G
Si, os cambios son máis capacidade de disco, máis velocidade de procesador (o que polo momento non afecta moito, agás que no futuro lancen aplicacións que só funcionen nun iPhone 3G S, o que metería medo), máis velocidade na banda larga móbil (o que non importa a case ninguén, porque este límite de velocidade está principalmente no lado das operadoras), a cámara de 3 Mpíxeles con enfoque automático (o do autoenfoque era moi necesario, pero a falta de flash e a óptica cativa fará que as fotos continúen a ser cutres), gravación de vídeo (algo que molesta a moita xente, porque no iPhone 3G é posible e, de feito, hai aplicacións de terceiros que permiten facelo), control de voz (prestación que non me inspira confianza en ningún móbil, porque os erros custan cartos) e compás dixital (un bo complemento as aplicacións de GPS).

¿Paga a pena o iPhone 3G S?

Se hai algo que podemos dicir do novo iPhone é que por fin é un móbil completo (pese a que continúa tendo capado parcialmente o Bluetooth, a súa batería non é extraíble, non permite videocoferencia e algún outro detalle que posiblemente non importen ao usuario medio), polo que a decisión de compra dependerá moito do seu plan de prezos, que supoño que Telefónica anunciará nos vindeiros días (o móbil chega a España o día 19), e será ese momento no que volverei a falar deste tema.
¿É tan importante o prezo? Pois o certo é que si, porque se fan coma nos EE.UU., é posible que salden o iPhone 3G, e así moitos poderán elixir se mercan o 3G de 8 Gb ou o 3G S de 16/32 Gb. Se poñen uns prezos agresivos poderían facer que moitos dean o salto e fáganse cun destes terminais, nun momento no que tamén hai moitas alternativas.

ACTUALIZACIÓN (10-6-2009): Comenzan a detallar certos cambios no iPhone 3G S que resultan prometedores: pasará dun procesador a 412 MHz a outro a 600 MHz, de 128 a 256 Mb de RAM e ¡a súa pantalla será oleofóbica! Este último detalle é unha chorrada, pero a min paréceme un exemplo a seguir: o terminal conta cunha capa que repele a graxa, aínda que haberá que ter certo coidado ao limpala (supoño que para que non perda a devandita capa protectora).

Comentarios

Chíos e rechouchíos

ENTRADAS RELACIONADAS

  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...
  • Xabaríns na USC

    A semana pasada en Código Cero dimos conta da estrea do xogo Xabaríns na USC, do tolambrán Juan Gestal, a quen ultimamente temos facendo das súas pola cidade da...
  • Los Nativos Digitales No Existen en Compostela

    O pasado venres foi a presentación en Santiago de Compostela do libro Los Nativos Digitales No Existen, e aproveitando o evento na cidade, Javier Pedreira Wicho e Fátima García...
  • LGx15 en YouTube

    O pasado 24 de novembro celebrouse a segunda edición do LGx15 organizado pola Coordinadora de Traballadores de Normalización da Lingua (CTNL), e nas últimas semanas foron subindo á súa...