Interesante promoción de El Mundo: un móbil Nokia 5800 case de balde

Non é a primeira vez que falo de promocións tecnolóxicas dalgún xornal, para advertir da súa letra pequena ou de que presentan uns prezos que non compensan, pero a...

Non é a primeira vez que falo de promocións tecnolóxicas dalgún xornal, para advertir da súa letra pequena ou de que presentan uns prezos que non compensan, pero a última de El Mundo sorprendeume positivamente. A promoción consiste en xuntar 15 cupóns nunha cartilla, de xeito que sairía en pouco máis de 18 euros (aos que habería que sumar 49 euros de non ter contrato cunha operadora distinta a Vodafone), e permite facerse cun móbil Nokia 5800 cun compromiso de permanencia de 18 meses en Vodafone (aplicable a calquera plan de prezos).
promoción Nokia 5800
E para que dubide da letra pequena, parece moi razoable:
letra pequena
Hai que lembrar que o Nokia 5800 é un terminal moi completo para a reprodución multimedia:
características do Nokia 5800
Actualmente é posible coller unha promoción semellante sen El Mundo, pero só con contratos con tarifas bastante elevadas, e coas tarifas máis económicas a broma sairía normalmente en 209 euros, de aí que diga que a promoción parece bastante boa.
Non esquezamos que Vodafone tamén ten un bo servizo de conectividade 3G, polo que os interesados poden tamén empregar o Nokia 5800 para estar conectado á Rede en calquera momento e lugar a un prezo aceptable (hai tarifa plana móbil por 12 euros/mes + IVE).
Sen dúbida, unha interesante opción para os que estean en operadoras diferentes a Vodafone e queiran gozar dun terminal telefónico moi completo.

Comentarios

Chíos e rechouchíos

ENTRADAS RELACIONADAS

  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...
  • O tratamento informativo do WannaCry dáme ganas de chorar

    O pasado venres convidáronme a participar no programa Área Pública da TVG para explicar un pouco o problema co ransomware que tiveron na sede central de Telefónica, causando un...
  • As nais e a tecnoloxía en plan Queen

    Hai tempo que non comparto ningún vídeo de Oregón TV, pero como esta fin de semana no seu programa renderon homenaxe a Queen cun vídeo facendo burla da tan...