¿En Televisión Española non saben en qué día vivimos?

Esta noite botan por La 1 de Televisión Española a película Casino Royale e entroume a curiosidade de mirar a qué hora a botan por televisión, vou á web...

Esta noite botan por La 1 de Televisión Española a película Casino Royale e entroume a curiosidade de mirar a qué hora a botan por televisión, vou á web de RTVE e vexo que poñen hoxe La hora de José Mota (probei a cargar a páxina co Explorer por se era un problema co Firefox):
la hora de José Mota
¡¿O qué?! ¿Ese programa non é os venres? Miro entón o que botan pasado mañá á mesma hora e vexo a película desta noite:
Casino Royale en TVE
Nese momento púxenme a buscar unha explicación e lin iso guía eleborada pro InOutTV, polo que pensei: ¿Será un erro do provedor de servizo? Vou á web de InOutTV e consulto a súa Sincroguía:
programación dende a Sincroguía
¡E está ben! Ou sexa, que os de TVE collen dos datos da Sincroguía pero o domingo aínda teñen a información do venres… ¿Explicación? O único que se me ocurre é que en vez de ter un proceso automatizado que lle diga á web a data de hoxe, hai un fulano que lle dá ao botón para facer tal, e como está de fin de semana o traballo quedou sen facer. De ser así é unha irresponsabilidade absoluta.
Este tipo de fallos é totalmente aceptable nunha web dunha televisión privada, pero no ente público fixeron unha aposta brutal polo relanzamento da súa web, e que cometan este tipo de pifias é bastante triste. Estou contento de que a web estea operativa, pero con outros servizos de RTVE tamén estou moi decepcionado, como cando seguía semanalmente o podcast dun programa de Radio 5. E falo en pasado porque os que subían o podcast á Internet eran uns informais, e ás veces subían de vez os 3/4 últimos programas… e durante un deses retrasos de publicación perdín o hábito de escoitar o programa… 🙁
Os medios poden ser moi modernos, pero se a xente que os utiliza continúa a utilizar mentalidades máis propias doutros tempos terémolo difícil para avanzar.

Comentarios

Chíos e rechouchíos

ENTRADAS RELACIONADAS

  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...