R aumenta a súa velocidade en A Coruña

Hai un par de anos falaba do salto de velocidade de 4 Mbps a 6 Mbps por parte de R e onte a operadora galega de cable actualizou as...

Hai un par de anos falaba do salto de velocidade de 4 Mbps a 6 Mbps por parte de R e onte a operadora galega de cable actualizou as conexións en A Coruña, o que será un importante salto para os que teñen contratadas as velocidades máis lentas:
cambio de velocidade de R
Como vedes, as velocidades de subida apenas cambian, polo que certos usos da Rede (subir vídeos a YouTube, utilizar o FTP, tirar do P2P a saco…) non terán unha mellora real, pero as descargas masivas si incrementarán considerablemente a súa velocidade, aínda que no meu caso recoñezo estar decepcionado pois non notei ningún cambio de velocidade.
Segundo Testdevelocidad.es a cousa quedaría así:
resultado de Testdevelocidad.es
Segundo o velocímetro de R o resultado sería igual:
resultado do velocímetro de R
Vaia, que en realidade continúo cunha conexión de 9 Mbps/900 Kbps, aínda que nominalmente sexa de 12 Mbps/1 Mbps. Non me queixo, porque é unha boa conexión, pero agardaba unha lixeira mellora (cando menos na subida), pero considero que a mellora de velocidades vai ser especialmente positivo para os clientes que tiñan contratado o Combo 1 + opción de alta velocidade de 1 Mbps, que pasan de ter unha conexión básica a unha liña coa calidade dun ADSL (a un prezo moi inferior).
Agardameos que os melidenses poidan facer pronto uso destes servizos (nos comunicados de prensa R comenta que Melide, xunto con Mugardos, vai integrarse á súa rede antes de rematar o ano, aínda que en abril tamén dicían que comezarían a dar servizo no verán).
Crucemos os dedos para que Melide reciba pronto o servizo de R, que debería estrearse xa coas novas velocidades, polo que achegará unha banda larga a velocidades superiores ás do ADSL (especialmente nas velocidades de subida).

Comentarios

Chíos e rechouchíos

ENTRADAS RELACIONADAS

  • Enredando nas noites de Luar

    Durante o verán na revista Código Cero publicamos unha entrevista a Pilar Rodríguez Losada, responsable das redes sociais do Luar, e por se a alguén se lle pasou, pégoa...
  • A tradución automática invade a tenda de Kindle en galego

    Na miña intervención na pasada edición do LGx15 facía algúns comentarios sobre os tradutores automáticos, dando a entender que facían auténticas desfeitas simplemente porque algúns entenden que son ferramentas...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • PSY segue moi vivo

    Hai moito tempo que o rapeiro PSY non ten un superéxito en YouTube, pero iso non quere dicir que desparecerse ou que estivese quieto, senón que é moi complicado...