Thor tamén terá serie de debuxos animados

Non sei o que lles está a dar aos de Marvel nos últimos meses pero non paran de anunciar proxectos de animación, o que parece que é o seu...

Thor animado
Non sei o que lles está a dar aos de Marvel nos últimos meses pero non paran de anunciar proxectos de animación, o que parece que é o seu xeito de complementar ás películas de acción real que sairán nos cines durante os vindeiros anos (por fin unha editorial de comics fai lanzamentos estratéxicos a medio e longo prazo), pero me sorprendeu bastante que hoxe anunciasen unha serie do poderoso Thor, o deus nórdico do trono, principalmente porque me parece un personaxe bastante adulto (especialmente na súa serie de comics en curso). Vaia, que facer unha serie de Thor para min ten tanto sentido como levar a Conan a debuxos animados para cativos… o que non é preciso que me lembredes que se fixo hai anos.
A futura serie estará composta por 26 episodios de media hora, e está prevista para o outono de 2010, despois de que no anterior verán vexamos a un Thor de carne e oso na pantalla grande. Só espero que ningunha das películas de Marvel pegue un pinchazo brutal, porque podería rachar con esta cadea de estreas entrelazadas (xa hai proxectadas series de animación dos Vingadores, Iron Man, Marvel Super Heroes Squad e Panteira Negra, á vez que está en curso unha de Lobezno e os X-Men).
Eu, polo momento, quedo coa dúbida de cómo será a serie de animación do deus do trono, porque a imaxe que publicou Marvel (e acompaña a este texto) non ten moita pinta de servir para unha animación fluída, polo que entendo que só se trata de material promocional que nada ten que ver co produto final (¿ou terán os huevos de facer unha serie en plan As Guerras Clon?).

Comentarios

Chíos e rechouchíos

ENTRADAS RELACIONADAS

  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...