A interoperabilidade de Microsoft en La Voz

O pasado venres, co gallo da , publicáronme en La Voz unha pequeniña columna de opinión. Quixera aclarar que algúns medios publicaron que Microsoft abría o código fonte dos...

Páxina de Economía de La Voz de GaliciaO pasado venres, co gallo da , publicáronme en La Voz unha pequeniña columna de opinión.
Quixera aclarar que algúns medios publicaron que Microsoft abría o código fonte dos seus programas, pero o que en realidade difundirá será a API dos mesmos, ou sexa, as especificacións que permiten comunicarse entre as distintas aplicacións.
Nun principio Microsoft se compromete a:
– asegurar a comunicación aberta
– promover a portabilidade dos datos
– mellorar o soporte de estándares da industria
– fomentar a relación entre usuarios e industria, incluíndo as comunidades de código aberto
A columna de opiniónIso quere dicir que vai ser doado que os programadores fagan engadidos para o Office (entre outras moitas cousas) polo que se poderá incorporar o soporte de formatos abertos, aínda que me dá no nariz que os que tirarán máis proveito desta posibilidade serán os creadores de software a medida, pois terán máis doado facer produtos que se entendan con aplicacións de Microsoft.
De tódolos xeitos hai que lembrar á xente que o que está a facer Microsoft é unha obriga imposta pola Comisión Europea. Microsoft tiña unha vantaxe competitiva para desenvolver aplicacións para Windows, pois non publicaban tódalas especificacións da súa plataforma, e agora a cousa cambia, e se equilibra o mercado… aínda que moi tarde. ¿De qué serve agora que outras aplicacións ofimáticas poidan funcionar mellor baixo Windows cando Microsoft xa domina o sector).
Tamén cómpre indicar que esta apertura xa se practicaba cos partners, ou sexa, cos amiguiños, de xeito que podemos entender que Microsoft quere ter máis amigos, o que nun principio é mellor para todos.

Comentarios

Chíos e rechouchíos

ENTRADAS RELACIONADAS

  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...
  • Xabaríns na USC

    A semana pasada en Código Cero dimos conta da estrea do xogo Xabaríns na USC, do tolambrán Juan Gestal, a quen ultimamente temos facendo das súas pola cidade da...
  • Los Nativos Digitales No Existen en Compostela

    O pasado venres foi a presentación en Santiago de Compostela do libro Los Nativos Digitales No Existen, e aproveitando o evento na cidade, Javier Pedreira Wicho e Fátima García...
  • LGx15 en YouTube

    O pasado 24 de novembro celebrouse a segunda edición do LGx15 organizado pola Coordinadora de Traballadores de Normalización da Lingua (CTNL), e nas últimas semanas foron subindo á súa...