iPhone: o móbil anti-violencia

O pasado día 22 un rapaz de Boiro recibiu unha paliza mentres gravaban o sucedido cun teléfono móbil. O acontecemento creou un certo alarmismo desproporcionado que ou se escandalizaba...

O pasado día 22 un rapaz de Boiro recibiu unha paliza mentres gravaban o sucedido cun teléfono móbil. O acontecemento creou un certo alarmismo desproporcionado que ou se escandalizaba de cómo son os mozos de hoxe (cando as palizas as houbo toda a vida) ou demonizaban os móbiles, mentres que un dos medios que mellor tratou o asunto posiblemente foi La Voz de Galicia, que se negou a publicar as imaxes. Iso lémbrame ó comentario que fixo Ángel Martín en Sé lo que hicísteis, destacando que non había que preocuparse de que o vídeo gravado co móbil aparecese na Internet porque xa o estaban a botar tódalas televisión.
Todo isto sóltoo porque o pasado luns, cando cheguei a RadioVoz para a miña colaboración semanal, estaba Isidoro Valerio despedindo a un dos convidados do programa, que viña de falar do polémico asunto, e da regulación dos móbiles nas aulas. Non puiden evitar bromear un pouco e soltarlle a Isidoro que levase tino, porque levaba o móbil e así podía darlle unha paliza. Despois, xa en antena, falando do iPhone, e comentando que aínda que era un móbil marabilloso, tiña algunha limitación, xurdiu a coña de dicir que así os mozos non poderían gravar palizas. Curiosamente, o humor serve para ilustrar unha carencia (tanto social coma tecnolóxica):

Quen ía dicir que o iPhone era un móbil anti-violencia, que de facerse popular entre os cativos remataría coas gravacións de palizas nos colexios. ¿Usarán iso na publicidade do iPhone en Europa?

Comentarios

Chíos e rechouchíos

ENTRADAS RELACIONADAS

  • Oregón TV tivo un ano moi tecnolóxico

    Hai anos que non menciono as cancións paródicas de Oregón TV (as súas parodias de Los Panchos e Micky son moito!), pero están a ter un 2019 tan completo...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...
  • O tratamento informativo do WannaCry dáme ganas de chorar

    O pasado venres convidáronme a participar no programa Área Pública da TVG para explicar un pouco o problema co ransomware que tiveron na sede central de Telefónica, causando un...