Spock.com: facendo amigos

Estes días está a dar moito que falar o buscador Spock, que vén de abrirse ó público, pois pretende servir para buscar persoas, aínda que partan de presisas imposibles...

Estes días está a dar moito que falar o buscador Spock, que vén de abrirse ó público, pois pretende servir para buscar persoas, aínda que partan de presisas imposibles (coma censar a 6.000 millóns de persoas).

Vese que hai xente espabilada, e ó igual que aproveitan certas prestacións de Google para asociar a SGAE cos ladróns ou ós responsables da catástrofe do Prestige co PP, agora aproveitan este tipo de servizo para deixar quedar mal a algunhas persoas. Sorprendeume que apuraran tanto, pois a apertura do sistema foi esta semana e buscando persoas de Galicia atopei que entre as 4 primeiras posicións están Fraga e Rajoy, que non aparecen coas súas mellores caras:
Rajoy durmindo en Spock.com
Vale que no perfil de Alexandre de Fisterra apareza unha moza (supoño que será por culpa dalgún sistema de recolleita de datos automática), pero como o servizo continúe a usarse para ligar datos erróneos ou críticos de xeito habitual sospeito que van facer moitos amigos 😉

Dende EE.UU. están a criticar moito o servizo, tanto polo seu nome (que é demasiado friki) como pola súa pouca precisión, así como a posible ameaza que supón para a intimidade da xente. En vista do pouco éxito de iniciativas semellantes podemos apostar a que a cousa non chegará moi lonxe, e menos se continúa o funcionamento lento da web, que está a fallar constantemente durante as últimas horas… e como triunfo augúrolles serios problemas en Europa, onde a privacidade si está protexida por lei (en EE.UU. a protección da privacidade é unha práctica auto-regulada).

Comentarios

Chíos e rechouchíos

ENTRADAS RELACIONADAS

  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...