O Mus

Veño de atopar na web de Miguel Antonio Piñeiro Moure unha transcripción (case completa) do seu libro sobre o nobre xogo do mus, que é o xogo de naipes...

O musVeño de atopar na web de Miguel Antonio Piñeiro Moure unha transcripción (case completa) do seu libro sobre o nobre xogo do mus, que é o xogo de naipes máis divertido e intelixente que existe, aínda que teña un defecto moi importante: precisa de 2 parellas de xogadores (nin un xogador máis, nin un menos). É complicado xuntar a 4 persoas ó redor dunha mesa e que todas saiban xogar ó mus, polo que a súa práctica se reduce na actualidade ás cafeterías das facultades e a algún local mítico coma El Linde (na Coruña).
Eu falo marabillas do mus porque son o mellor xogador do mundo, claro, e precisamente iso me fai recoñecer a admiración polo texto de Piñeiro que, aínda que non está á altura do libro de Antonio Mingote, resulta especialmente recomendable aínda que só sexa por botar un ollo á súa escolma de terminoloxía popular.
Ver o texto ▼

Para os que queiran practicar este xogo e non atopen con quen sempre e posible botar unhas partidas no ordenador, con xogos considerados abandonware (ou sexa, que xa non están á venda) coma o vello Órdago, o simpático PC Mus (gracioso, aínda que cun nivel de xogo moi inferior ó anterior) ou o Muc 2000 (xogo máis moderno que incluso ten versións de pago na actualidade).
Tamén se pode xogar ó mus en liña, pero todos estes sistemas alternativos perden o atractivo do xogo, que está máis no que se di que no que se fai. ¿Alguén se apunta a unha partidiña?

Comentarios

Chíos e rechouchíos

ENTRADAS RELACIONADAS

  • Os YouTurris

    Niko, o creador de Cálico Electrónico, anunciou hoxe a súa última movida, Los YouTurris, un esmendrelle político que por desgraza chega algo tarde, xa que estamos nos últimos días...
  • Un trailer chinés para incrementar o hype

    Por se non houbese expectación dabondo ao redor de El Poder de la Fuerza, chega un tráiler chinés con nova metraxe para por o hype polas nubes (ao carón da...
  • Melide celebra Manxares a vindeira fin de semana

    Esta semana escoitei na Radio Galega unha cuña na que citaban a Melide. Maaaandeeee?!?! Manxares?! Que é iso? Póñome a investigar… miro na web do Concello, e non din...
  • Darth Vader en Palomares!

    Levo tempo dicindo que confío en que este ano, cando chegue o 20D, algún friki dos que vaia disfrazado a ver El Despertar de la Fuerza ao cine pase antes polo...