Spider-Man: Homecoming estrea tráiler

A nova aventura cinematográfica de Spider-Man apunta maneiras, e para deixarnos ver un anaco do que será Spider-Man: Homecoming, o filme no que Sony Pictures quixo aproveitar a forza...

A nova aventura cinematográfica de Spider-Man apunta maneiras, e para deixarnos ver un anaco do que será Spider-Man: Homecoming, o filme no que Sony Pictures quixo aproveitar a forza do Universo Marvel cinematográfico (en vez de ter un universo de seu, como nas anteriores películas do trepamuros) tomou un curioso xeito de estrear o seu primeiro tráiler: a través do programa de televisión de Jimmy Kimmel.

Agora xa está aquí e podemos ver en acción unha vez máis a Tom Holland facendo de Peter Parker, con cameos de Robert Downey Jr. como Tony Stark (que case seguro que sairá só uns segundos máis na montaxe final que no tráiler), a presentación dos compañeiros de insti de Parker, de Michael Keaton facendo do Voitre e incluso o que confío en que sexa unha pequena aparición do Shocker (pois as parellas de malvados tenden a rematar en filmes horrendos).

Polo momento hai unha cousa que parece gustar: o filme ten unha identidade de seu. A ver se o confirman o 7 de xullo de 2017, cando a produción chegará á grande pantalla.

Comentarios

Chíos e rechouchíos

ENTRADAS RELACIONADAS

  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Os Vingadores non iniciaron o lume

    A capacidade de mobilización que teñen os grandes programas de televisión nos EE.UU. non deixa de sorprender, principalmente porque manteñen o seu pulo no tempo, cando en España hai...