Desvelan os primeiros artistas convidados de Viñetas desde o Atlántico

Este ano a feira do cómic coruñesa, Viñetas desde o Atlántico, non se quere facer de rogar, e tras confirmar que as datas da vindeira edición serán entre o...

Este ano a feira do cómic coruñesa, Viñetas desde o Atlántico, non se quere facer de rogar, e tras confirmar que as datas da vindeira edición serán entre o 10 e o 16 de agosto, detallan agora que un ano máis as localizacións centrais serán o Kiosko Alfonso e o Palexco, así como debullan algúns dos artistas convidados: Alfonso Zapico, Ana Miralles, Ana Oncina, Chloé Cruchaudet e Joaquín López Cruces.

Probablemente non sexan os artistas máis coñecidos do mundo mundial, pero teñen algunhas cousas ben curriñas. Por exemplo, Ana Oncina conseguiu que a súa obra Croqueta y Empanadilla se convertese en todo un éxito de vendas grazas á súa orixinal proposta, moi atractiva visualmente, e incluso estivo de xira nos pasados meses, chegado a achegarse á libraría Komic:

Ana Miralles ten unha grande carreira como ilustradora, pero moitos a coñecerán pola súa obra Djinn. Ver o proceso de creación das súas ilustracións é toda unha pasada:

E logo Alfonso Zapico até foi Premio Nacional de Cómic en 2012 pola súa obra Dublinés, polo que está claro que talento e calidade non lle faltan.

Vaia, que non desvelaron nomes que a xente recoñeza á primeira, pero son artistas de calidade e con carreiras consolidadas, dos que de seguro que será interesante escoitar o que teñan que contar sobre a súa traxectoria.

Comentarios

Chíos e rechouchíos

ENTRADAS RELACIONADAS

  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • Supergirl promociona o filme de Wonder Woman

    A pasada noite a serie de televisión de Supergirl despediu a súa segunda tempada, e aproveitaron a ocasión para facer publicidade do novo filme de Wonder Woman protagonizado por...