Volve o San Xoán a Gotham

Os últimos xogos de Batman estaban ambientados no Nadal, pero tras numerosos retrasos finalmente Batman: Arkham Knight chega xusto antes do verán e, casualmente, como data de lanzamento puxeron...

San Juan is back to Gotham

Os últimos xogos de Batman estaban ambientados no Nadal, pero tras numerosos retrasos finalmente Batman: Arkham Knight chega xusto antes do verán e, casualmente, como data de lanzamento puxeron o día 23 de febreiro, algo que a nivel internacional non lles dirá nada, pero en Galicia é unha data moi representativa, por ser véspera do San Xoán, día que incluso este ano é festivo, polo que curiosamente temos un dos lanzamentos dun videoxogo mellor situado no calendario dende hai moito tempo, xa que os que non teñan resaca poderán dedicar unha xornada sen traballar para dar os primeiros pasos na derradeira aventura da triloxía de Batman desenvolvida por Rocksteady Studios.

Dende a pasada unha da madrugada é posible xogar (cando menos á versión de PC), polo que non podo resistirme a propor que os xogadores que estean a gozar de Batman: Arkham Knight celebren o San Xoán no xogo, e tan pronto atopen unha fogueira nas rúas ou un coche en lapas, que salten porriba del berrando «cacharela de San Xoán, que non me morda nin serpe nin can». 😀

E se non sabedes o que deparará esta magnífica obra de arte dixital, velaquí o seu trailer de lanzamento:

NOTA: Supoño que non é preciso dicir que o do San Juan is back o poño con bastante mala idea. 😈

Comentarios

Chíos e rechouchíos

ENTRADAS RELACIONADAS

  • Colección friki dun espectador da Galega

    Hai uns días déuseme por recompilar algunhas das películas e series de televisión en DVD, figuras, e outras curiosidades que teño por casa para demostrar que criarse vendo a...
  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...