E chegou Linda Park (presumindo de NFC)

A semana pasada a serie televisiva The Flash nos EE.UU. sorprendeume dun xeito moi agradable ao incorporar ao personaxe Linda Park, que na banda deseñada chegaba a ser a...

iris_barry_e_linda

A semana pasada a serie televisiva The Flash nos EE.UU. sorprendeume dun xeito moi agradable ao incorporar ao personaxe Linda Park, que na banda deseñada chegaba a ser a esposa de Wally West (Kid Flash/Flash), o que abre unha interesante porta na ficción televisiva. Deixará de perseguir Barry Allen a Iris? Quedará Linda como moza oficial do personaxe fusionando a Barry con Wally (algo que xa ten pasado noutras adaptacións)? Ou chegaremos a ver a Wally West nunha futura tempada da serie?

linda_park_redaccion

As posibilidades son moitas, pero polo momento só podo dicir que é un acerto incorporar a Linda Park, xa que facilita que a historia manteña un carácter máis luminoso, propio de Flash, e fuxindo do agonías que era Clark Kent perseguindo a Lana Lang en Smallville ou do sino que persegue a Oliver Queen en Arrow.

linda_park_samsung

Pero hai unha cousa que me fixo moita graza no episodio anterior de The Flash: para ligar con Barry, Linda pasoulle o seu contacto ao móbil mediante contacto, ou sexa, empregando a tecnoloxía NFC, deixando ver claramente que o home máis rápido do mundo facía uso dun smartphone de Samsung (coido que é un Galaxy S5). Vaia, que pareceume un caso de product placement moi ben feito.

iris_iphone_sorrindo

A cousa é aínda máis rechamante se temos en conta que no mesmo episodio Iris tíralle unha fotografía a Flash co seu iPhone.

iris_iphone

Ah, si, pero non é un iPhone 6 ou 6 Plus, senón que trátase dun vello iPhone 5, polo que podemos entender que o meteron simplemente por ser un móbil popular, mentres que o terminal de Barry si estaría patrocinado por Samsung.

Iso si, parece que en televisión repítese a práctica de que os mozos protagonistas fan uso de produtos carísimos, e mentres nos 80-90 podiamos ver como había rapaces de instituto con automóbil (ou que había policías que podían permitirse un coche deportivo) agora temos que a bolseira dun xornal pode permitirse un iPhone, algo que noutras situacións podería xustificarse por ter familiares con alto poder adquisitivo, pero non sería o caso, xa que o pai de Iris é policía, cría á súa filla so, e para máis inri tamén adoptou a Barry Allen, polo que non creo que lle caian os cartos de arriba.

Comentarios

Chíos e rechouchíos

ENTRADAS RELACIONADAS

  • BBC News faise viral até en Galicia

    Nos últimos días causou furor un vídeo de BBC News no que o profesor Robert Kelly, mentres estaba a falar en directo mediante videoconferencia sobre a destitución da presidenta...
  • Os Teletubbies preguntan que che pica

    Robert Jones, un deses tolos que fai vídeos bastante entretidos para YouTube, como no que mestura escenas de películas dos anos 90 na que pode verse á xente bailand...
  • Novo tráiler da película de Wonder Woman

    Tras varios teasers que foron poñéndonos os dentes longos, por fin temos o novo tráiler do filme de Wonder Woman protagonizado por Gal Gadot. Desta volta amósanos un chisco...
  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...