Esta semana publicouse a entrega nº 12 do podcast Metrópoles Delirantes, ao te tiven o pracer de poder asistir á súa gravación, e que foi bastante variado, indo dende unha vista atrás ao clásico El Eternauta até as últimas novidades da man de Sanmi de Alita Comics, pasando por un par de interesantes entrevistas nas que descubrimos o álbum Croqueta y Empanadilla de Ana Oncina e o Nordés de Kike Díaz.
Pedro Rey e Nieves Rodríguez posando con Kike Díaz, autor de Nordés
E de Viñetas desde o Atlántico?
Curiosamente ao coincidir con Nieves Rodríguez, Pedro Rey e o Sr. B saíu o tema de Viñetas desde o Atlántico, evento do que naquel momento aínda non se sabía moito, pero do que finalmente temos xa confirmación das datas (do 4 ao 10 de agosto) e, grazas a que a xente das Metrópoles tivo unha conversa esta semana con Miguelanxo Prado, un adianto dos autores convidados á edición deste ano, na que están moitos descoñecidos para min, como Sento Llobell (Un médico novato), Montse Martín (Curiosity Shop), Zidrou (El Cliente), Oriol Hernández (La piel del oso) e Jano (operario), aos que acompañará unha auténtica estrela, Charlie Adlard, o debuxante de Los Muertos Vivientes, colección da que naceu a serie televisiva The Walking Dead. Só por este último autor entendo que se achegarán seareiros da banda deseñada de toda Galicia ao Viñetas deste ano, á vez que conseguirase unha boa cobertura mediática.
Debe estar conectado para enviar un comentario.