SingStar terá unha app que convertirá o móbil nun micrófono ¿invertido?

Que anuncien que este ano Sony vai lanzar unha edición de SingStar para PlayStation 4 non creo que sorprenda a ninguén a estas alturas, pero que en Google Play...

Smartphone facendo de micrófono

App de SingStarQue anuncien que este ano Sony vai lanzar unha edición de SingStar para PlayStation 4 non creo que sorprenda a ninguén a estas alturas, pero que en Google Play e a App Store vaiamos ter unha aplicación oficial que permitirá converter o smartphone nun micrófono para o xogo, tanto na súa versión para PS3 coma para a de PS4 paréceme unha xenialidade… ou case. ¿Por que digo case? Pois porque sendo Sony un fabricante de teléfonos paréceme imperdoable que fixeran a aplicación móbil ao revés.

Non é preciso ser moi agudo para decatarse que o micrófono que aparece na pantalla do smartphone mira ao auricular do teléfono en vez de ao seu micrófono, polo que se agarramos o terminal como amosan no vídeo de presentación do SingStar para PlayStation 4 non se escoitaría nada xa que as mans do xogador bloquearían o micrófono do smartphone.

Sorpréndeme que non haxa xente en Twitter facendo burla do curioso detalle. Supoño que o feito de que esta curiosa proposta aforre o feito de ter que ter micrófonos dedicados para xogar ao SingStar é o único detalle que está a captar a atención, aínda que admito que considero decepcionante que Sony continúe na teima de vender o xogo completo cun catálogo de cancións, en vez de optar directamente por un formato descargable no que merquemos só as cancións coas que queiramos pintar a mona.

Comentarios

Chíos e rechouchíos

ENTRADAS RELACIONADAS

  • En Suíza tamén hai cosplay

    Que actualmente hai convencións fikis por todo o mundo non é ningunha sorpresa, pero sorpréndeme non ter escoitado nunca falar da que montan en Basilea, pois «a Comic Con...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...
  • Tecnoloxía para o ano 2017

    Esta semana chamáronme do programa Área Pública da Galega para ver se podiamos facer un pequeno adianto do que será a tecnoloxía durante o ano que entra: Aínda que...
  • Agasallos tecnolóxicos na Revista Fin de Semana

    Esta mañá María Solar convidoume a facerlle unha visita polo programa A Revista Fin de Semana da Galega, para falar un pouco de tecnoloxía de cara aos agasallos de...