Novo trailer de X-Men: Días del Futuro Pasado

Xa temos aquí o novo trailer do agardado filme X-Men: Días del Futuro Pasado: Aínda que nas vindeiras semanas teremos estreas baseadas en personaxes de banda deseñada tan rechamantes...

Logan, Magneto e Xavier

Xa temos aquí o novo trailer do agardado filme X-Men: Días del Futuro Pasado:

Aínda que nas vindeiras semanas teremos estreas baseadas en personaxes de banda deseñada tan rechamantes como o Capitán América e Spider-Man, coido que a estrea do ano vai ser X-Men: Días del Futuro Pasado, non só por estar baseado nunha historia moi emblemática, senón por continuar a magnífica X-Men: Primera Generación facendo un aceno á anterior triloxía mutante grazas a unha viaxe temporal.

Jennifer Lawrence como Mística

Desta volta o elenco de actores é de auténtico luxo, como Ian McKellen e Michael Fassbender no papel de Magneto, Patrick Stewart e James McAvoy como o profesor Charles Xavier, Ellen Page interpretando a Kitty Pryde, Hugh Jackman volvendo levar as garras de Lobezno, Halle Berry encarnando a Tormenta e o carismático Peter Dinklage facendo de Bolivar Trask (o responsable do programa Sentinela); aínda que hai un detalle que dáme un chisco de medo, como é o feito de que prescindisen de Rebecca Romijn no papel de Mística adulta, deixando todo o personaxe nas mans de Jennifer Lawrence (Los Juegos del Hambre) o que dáme a pensar que van dar a este personaxe un papel excesivamente relevante polo mero feito de que a actriz está de moda.

Peter Dinklage como Bolivar Trask

Todo apunta a que teremos unha película aínda mellor que a anterior entrega, cando menos a nivel de produción, e aínda que non vaia ser capaz de derrotar a Los Vengadores na venda de entradas por non ser unha obra orientada a un público infantil, estou certo de que vai ser unha cinta moito máis memorable. En tres meses sairemos de dúbidas.

Comentarios

Chíos e rechouchíos

ENTRADAS RELACIONADAS

  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • Supergirl promociona o filme de Wonder Woman

    A pasada noite a serie de televisión de Supergirl despediu a súa segunda tempada, e aproveitaron a ocasión para facer publicidade do novo filme de Wonder Woman protagonizado por...