Os 75 anos de Superman celebrados nunha curta

Para conmemorar o 75º aniversario de Superman, o director de cine Zack Snyder (responsable do último filme do Home de Aceiro) e Bruce Timm (a quen debemos moitas das...

Para conmemorar o 75º aniversario de Superman, o director de cine Zack Snyder (responsable do último filme do Home de Aceiro) e Bruce Timm (a quen debemos moitas das series animadas de personaxes de DC) crearon unha impresionante curtametraxe na que fan un repaso da historia de Superman partindo da portada do nº 1 de Action Comics e chegando ata o filme de Snyder.

Podemos ver a evolución do Superman que salta ao que voa, repasar a etapa más fantástica do personaxe, lembrar algunha das súas encarnacións televisivas e cinematográficas, destacar a súa morte e resurrección e mesmo contemplar a patética versión actual do personaxe, pero deixando no camiño a magnífica etapa de John Byrne, que para min foi o maior acerto no percorrido do personaxe (principalmente por limitar os seus poderes para que non tivese que enfrontarse sempre a grandes ameazas cósmicas, e puidese baixar máis á rúa).

O que me queda claro é que Superman gozaba dunha saúde moito mellor nos comics cando se celebrou o seu 50º aniversario (con autores como Byrne e Pérez ao lapis) que agora. Espero que cando o derradeiro fillo de Krypton sexa centenario teña recuperado a súa honra.

Comentarios

Chíos e rechouchíos

ENTRADAS RELACIONADAS

  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • Supergirl promociona o filme de Wonder Woman

    A pasada noite a serie de televisión de Supergirl despediu a súa segunda tempada, e aproveitaron a ocasión para facer publicidade do novo filme de Wonder Woman protagonizado por...