Durante a tarde de onte Google sorprendeu a moitos anunciando que Android 4.4 vai levar por nome KitKat, entrando nun perigoso xogo no que o sistema operativo móbil de máis éxito poida empregar marcas comerciais (o que podería verse como publicidade encuberta), pero para min abre un interesante debate sobre os nomes que terían que ter as seguintes versións de Android. ¿Animádesvos a facer suxestións?
Para comezar, dado que o anuncio foi toda unha sorpresa, supoño que os dos ovos Kinder sentíronse un pouco ofendidos pero, para a seguinte letra, o L, ¿ocórresevos algunha larpeirada? Nun principio teriamos doado coller o resto de snacks que se puxeron de moda xunto ao KitKat (cando menos en España) como serían o Lion, o Mars e o Raider/Twix.
Pero claro, o do Mars estaría moi complicado, pois tería un competidor moi duro coma os M&M’s e, como non, os melindres; aínda que na seguinte letra a cousa parecería máis clara. ¿Quen dubidaría en España en adxudicar o N a Nocilla? Tamén parece moi claro que o P tocaríalle aos Phoskitos e o S aos Sugus; pero letras como o T poderían levar tamén a liortas (¿Twix ou Tigretón?). O peor de todo o conto é que, ao comezar a coñecerse os nomes co Android 1.5 Cupcake… ¡deixaron fóra ao clásico Bollycao! ¡Ai, estes de Google! ¡Que falta de ignorancia! [icon icon=”0034.png”][/icon]
Debe estar conectado para enviar un comentario.