Airapro viste a Betanzos de festa

Os nosos benqueridos actores e humoristas Marcos Pereiro (Nucha/Kevin José) e Xosé A. Touriñán (Mucha/Puskas) tiñan unha empresa en Carral chamada Airapro que hai un ano mudou a súa...

Ola Betanzos

Os nosos benqueridos actores e humoristas Marcos Pereiro (Nucha/Kevin José) e Xosé A. Touriñán (Mucha/Puskas) tiñan unha empresa en Carral chamada Airapro que hai un ano mudou a súa sede a Betanzos, e para celebrar este primeiro aniversario organizan mañá un acto que responde ao lema de Ola Betanzos!, que terá lugar na Praza de Pintor Seijo Rubio a partir das 12:00 horas.

A festa abrirana Marcos e Touri acompañados por Federico Pérez (Josito/Moncho), que darán paso a un concerto da Factoría de Subsistencia (dúo formado por Josito Porto e Anxo Graña). Logo, ás 12:50 horas, Pepo Suevos regalará aos asistentes cun dos seus monólogos e o chou rematará cun concerto de Heredeiros da Cruz, que tocarán 5 ou 6 temas e asinarán camisetas e discos.

A praza contará con barras, nas que venderán bebidas e invitarán a mexillóns con cada consumición (¡ri ti dos callos do Puskas!) grazas á colaboración do Café-Bar Dimi, que tamén celebra o seu primeiro aniversario en Betanzos.

Unha celebración de balde que de seguro que agradecerán os seareiros de toda esta tropa do carallo. ¡Pasádeo ben, mozos!

ACTUALIZACIÓN (20-7-2013): Vese que os de Airapro saben montar unha boa festa:

Comentarios

Chíos e rechouchíos

ENTRADAS RELACIONADAS

  • O podcasting posto en valor

    Hai algo máis dun ano os oíntes do podcast La Órbita de Endor (LODE) coñecemos un experimento de iVoox a través do que ofrecíanse subscricións de pagamento, e finalmente...
  • O Banjo Fantástico

    Chámase Ollie, ten un banjo, e tras facer unha chea de versións de música de videoxogos como Out Run, Street Fighter II ou Tetris, inicia unha nova serie de...
  • Muuu (son unha vaca)

    Amala Zandile Dlamini, ou Doja Cat, é unha cantante californiana de 22 anos que conseguiu certo éxito en 2014, como demostra que o seu vídeo So High superase os...
  • Farruco nos primeiros tempos da Galega

    Aínda que moitos lembren a Xosé Lois Bernal López Farruco na Televisión de Galicia por aparicións na serie Terra de Miranda ou por presentar o programa Vivir Aquí con...